Lafaek News—(Bali), Universidade Udayana Bali Indonezia liu husi Fakuldade Tékniku ho prontidaun tomak fó asisténsia téknika ba Programa Estudu Mestradu (PEM) iha Fakuldade Enjeñaria Universidade da Paz Timor Leste.
Lia hirak ne’e hatuun husi Dekanu Fakuldade Téknika Universidade Udayana Bali (UU) Ir. I Ketut Sudarsana, ST., Ph.D. wainhira halo diskusaun ho ekipa Fakuldade Enjeñaria Universidade da Paz, tersa-feira, 07 Fevereiru 2023, iha salaun enkontru fakuldade Téknika iha Jalan Raya Kampus Unud Jimbaran Bukit, Bali Indonézia.
Dekanu Téknika Udayana hateten katak sira sei fó asisténsia Teknika ba programa Mestradu iha Fakuldade Enjeñaria UNPAZ, liu husi fórnese Rekursu Humanu ne’ebé hó kualiadade. Alen de ne’e entre fakuldade rua sei halo kooperasaun iha bá Prosesu Aprendijazen, Prátika Laboratóriu, Peskiza, Orientasaun no Examinádor bá Teze, Review no Públikasaun Jurnál hamutuk iha Programa Estúdo Arkitetura, Enjeñaria Indústria no Enjeñaria Sivil. Tamba ne’e atu implementa programa iha tempu badak Fakuldade rua sei assina Nota Intendementu. Iha fatin hanesan Dekanu Fakuldade Enjeñaria UNPAZ José Manuel Maniquin, AP., Lic.Eng., M.Eng. iha diskusaun hateten Fakuldade Enjeñaria UNPAZ seriu hodi kolabora nune’e parte rua bele implementa programa hirak ne’e bazeia ba memorandum of agreement (MoA).
Iha sorumutu refere Dekanu Fakuldade Enjeñaria UNPAZ akompaña husi Vise Dekanu Assuntus Akadémiku, Domingos Santos Soares, Lic.Tec.,M.Ars, Xefí Departamentu Arkitetura Raja Dominiku Martins Soares Amaral, Lic.Tec.,M.Ars, Xefí Departamentu Enjeñaria Indústria Jerónimo da Silva, Lic.Eng., M.Eng. no partisipa husi parte Fakuldade Téknika Udayana Dekanu, ho nia Vise Dekanu Assuntus Akadémika inklui Diretór Administrasaun no Finansas Fakuldade Téknika Undayana.//Ir. I Ketut Sudarsana, ST., Ph.D.
Kontributór : Eis Jornalista José Maniquin
Editor : Agapito de Deus
