Lafaek News–Sidadaun Timor oan ida ho naran Olinda Monteiro de Carvalho (43) orijinaliade Husi Munisipiu Vikeke, butuk sasan uma nian kompostu ropa hatais, kama toba no nesesidade dapur nian butuk iha vizinu ida nia varanda tanba laiha nia laiha uma atu hela hakmatek hanesan maluk seluk.
Olinda deside butuk sasan iha vizinu sira nia varanda, tanba simu presaun maka’as husi familia sira ne’ebe sira hela hamutuk, tanba ne’e nia hasees an hodi husu tulun vizinu sira fo nia uma varanda hodi deskansa provizoriu, maibé la hatene loos atu hela ba ne’ebé, tanba Nia kaben sei iha hela prizaun preventive hafoin kompete violasaun seksual ho oan rasik.
Olinda Monteiro de Carvalho ho nia kaben inisial ADC lakohi fo nia identididade, maibe husi munisipiu Lautem sira iha oan hamutuk nain 6 kompostu husi feto 3 no mane 3, nune’ee mos nain 3 la eskola, nain2 eskola hela nain ida remata ona SMA.
Hafoin ha’u nia alin hasai ha’u husi uma, ha’u ho ha’u nia oan sira toba ketak-ketak iha vizinu nia uma no mos ha’u nia sasan uma laran tau deit iha viziñu nia uma maibé laos iha uma laran tanba vizinu nia uma mos klot entaun ha’u tau deit iha liur varanda,” dehan Olinda ho matan been ba Lafaek News iha aldeia ba diak suku Manleuana Postu Administrativu Dom Aleixo munisipiu Dili, kuarta 15/09/2021.
Nia konta, Iha loron 24/12/2010 Olinda nia problema primeiru mak nia laen halo abuzu seksual ho nia oan rasik momentu oan sei tinan ualu (8).
Ha’u nia laen tama tiha prizaun preventive iha tihan 2010 Durante entaun ha’u hela ho ha’u nia alin, ami problema hela deit ha’u tenke pasiensia nafatin tanba kuidadu ha’u nia oan ho bei oan too ha’u tein iha uma tatis deit, maibé horibain rua sira (ALIN MANE) soe hotu ha’u nia lalea iha uma tatis ne’e entaun ha’u ho pasiensia tenke sai husi uma,” Olinda konta ho triste ba jornalista lafaek news iha Vizinu nia uma.
Nia afirma, Kona-ba nesesidade Olinda esforsu aan hodi hetan netik han kalan ho loron maske han aihan ne’ebe ladun di’ak, maibé bele tahan kabun, importante ahi matan labele mate iha dapur laran, maibé sasan iha uma ne’ebe nia hela ba kalan ne’e kedas sira lalin sai too tuku 02 madrugada, agora rai hela iha vizinu sira nia uma, tan ne’e kalan rua Olinda ho nia oan toba fahe malu tanba ida-idak buka fatin toba iha vizinu nia uma.
Sasan ne’ebe ha’u rai iha vizinu nia uma ne’e la seguru maibé ha’u la iha tan dalan seluk ida mak atu hili tanba ne’e mak iha liur deit mos ha’u tau deit ona sasan sira ne’e tanba agora ha’u ho ha’u nia oan sira mos toba namkari iha vizinu nia uma,” inan feto Olinda deklara.,
Olinda afirma, nia servisu iha Unidade Polisia Maritima (UPM), hanesan kuzineiru maibé osan fulan tuir padraun governu nian, importante bele sosa foos maibé uma mak labele halo mesak tanba kbiit la too.
Ho susar ne’ebé ha’u iha karik husi parte governu liu-liu parte relevante karik iha hanoin ruma ajuda netik ha’u ho ha’u nia oan nain 6 no bei oan nain 2 nune’e ami nain sia bele moris hakmatek iha ita nia rain rasik tanba agora ha’u hela deit iha vizinu nia uma,” nia rekomenda.
Entretantu jornalista Lafaek News tenta atu halo entrvista ho Olinda nia alin mane ne’ebe antes ne’e sira hela hamutuk maibé Olinda nia alin la iha uma tanba halao hela atividade importate balu atu sustenta nesesidade uma laran.
Jornalista : Orlando Magno
Editór : Agapito de Deus
