Lafaek News–Relasiona ho udan boot d urante semana rua iha iha territóriu nasional estraga estrada husi sentral Lautem Liga Jaco ho Tutuala grave no ema nain rua mate iha munisípiu Ainaro.
Grigório Canto de Jesus abitante husi postu Tutuala informa ba lafek news via telefone informa estrada husi munisípiu Lautem liga illa Jaco no no postu administrativu Tutuala kondisaun grave hafoin lauza husi udan durante semana rua.
Akontese udan makas iha Munisípiu Lautém durante semana rua rejulta estarda kotu iha parte leste munisípiu ne’e nian, iha loron 28 juñu estraga estarda liga postu tutala no ilia Jaco kotu totál prejudika ba movimentu transporte públiku labele ona asesu inklui aldeia Pitilete susar tebe-tebes,’’ Grigório informa ba lafaek news iha munisípiu Lautem foin lalais.
Grigório Canto de Jesus relata, estrada ne’e kotuk tanba rai halai kuaze metro 50, prejudika ba transporte públiku no privadu labele ultrapasa, maibé konsege normaliza hikas iha loron 28 fulan Juñu hafoin transportes kontinua movimentu husi Lautem ba Jaco no Tutuala.
Iha akontesimentu rai halo no estarda ne’e kotu iha tempu dia 28 dadeer kareta labele liu, maibé normaliza kedan iha parte kalan kareta foin bele liu, ateru provizóriu husi kompañia Jonize ne’ebé halo hela estrada ne’e, maibé kuandu udan tun nafatin maka sei susar tanba rai halai, ha’u hare mesak tahu de’it bele halai fali karik udan ne’e kontinua nune’e,
Estrada ne’e kotu iha area Hama-Lolo suku Tutuala postu administrativu Tutuala tuir istimasaun estrada kotu kuaze metro 50, inklui bee tama mos komunidade sira nia uma, situasaun atual iha munisípiu Lautém kontinua udan.
Iha sorin seluk, husi munisípiu Ainaro udan tau maka’as no kalohan taka rai-metin rezulta komunidade ida monu ba rai naruk mate fatin iha suku Nuno-Mogue postu administrativu Hatu-Builiko, munisípiu Ainaro.
Informasaun ne’e hatoo husi segundu komandante PNTL munisípiu Ainaro, Mario Vitor informa akontesimentu iha mosu iha loron 26 no komunidade monu husi fatuk lolon ba naruk isin baku iha fatuk mate kedan iha fatin, vítima nia idade 59 ho naran kompletu Samuel de Araújo husi aldeia Hatu-Builiko.
Aproveita okaziaun ida ne’e informa ba iha público katak durante tempo udan iha munisipiu Ainaro hahu husi dia 26 to mai ohin loron, komunidade balun hetan asidente balun hanesan horseik ne’ebe akontese iha aldeia Hatu-builico Suku Nunu-mogue Posto Hatu-builico Vila sidadaun ida ho inisial Samuel de Araújo ho idade 59, tuir informasoens ne’ebé komandu hetan katak , vitima ne’e monu husi fatuk foho naruk tun mai porvolta 70 M,nia hetan pankada iha ulun nia la konsege salva vida no mate iha fatin kedas,’’ informa segundu komandante PNTL Ainaro ne’ebé lafaek news asesu husi Lian Orluli News, sesta (01/07/2022).
Tuir autoridade seguransa ne’e informa kronolójia husi akontesimentu ne’e akontese hafoin udan boot iha loron 26 fulan Juñu durante semana rua, nune’e orienta polísia too kedan fatin akontesimentu hodi buka hatene klean motivu husi dezastre refere.
Informasaun ne’e husi nia oan mane sira informa mai polisia katak sira indentifika nia aman mate iha fatin, depois polísia simu informasoes komandu kontaktu ba eskuarda Hatu-Builico ho nia ekipa tun kedas iha fatin akontesementu realidade hetan duni sidadaun Samuel de Araújo monu rasik no hetan pankada makas iha ulun fatin, kauza nia mate ho situasoes ne’e katak hanesan asidente ida ne’ebe resulta sira nia aman lakon vida,’’ nia hatutan.
Vitima Samuel de Araújo nebe horseik monu mate situasaun ne mos akontese ba nia oan nebe ke iha fulan liu ba mos monu mate iha neba la hatene ninia.
Tuir informasaun husi segundu komandante ne’e katak antes ne’e matebian Samuel nia oan mane boot mos mate kauza hanesan nia aman, monu hotu ba rai-naruk iha kedan area ne’ebé matebian Samuel monu ne’e, matebian Samuel nia oan mane boot mate husik hela nia kaben ho oan nain 7, hafoin iha loron 26 nia aman Samuel monu tan ba rai naruk rezulta mate-fatin tanba kauza husi udan boot, no informasaun kona-ba matebian nia oan mane ne’e hatoo duni husi matebian Samuel bainhira nia sei moris.
Ami ba iha fatin ko’alia duni ho matebian Samuel de Araújo ne’ebe maka oras ne’e dadaun mate nia hateten katak nia oan ne’e monu duni ba rai naruk,’’ haktuir komandante ne’e
Liu husi iha biban ne’e segundu komandante munisipiu Ainaro husu komunidade hot-hotu iha Munisipiu Ainaro liu-liu iha tempo udan lao iha foho leten rai naruk iha mota ibun tenke koidadu diak hodi evita dezastre, di’ak liu iha tempu udan ho anin maka’as ema hotu tuur hakmatek iha uma atu asegura vida.
Iha sorin seluk, Komunidade ida hosi suku Aitutu hetan mate-isin ida iha karau luhan iha area aldeia Lauhili, maibé parte polísia munisipiu sei hala’o hela prosesu identifikasaun hodi buka hatene motivu husi mate-isin ne’e, lafaek news sei tenta konfirma ho parte PNTL munisípiu kona-ba rezultadui prosesu identifikasaun sobre motivu husi akontesimentu.
Jornalista : CE.Lautém
Editor : Agapito de Deus
