Lafaek News–Estudaante Instituite Ciénsia Da Saúde (ICS) Departamentu Enfermzen, kinta (30/06/22) realiza atividade preparasaun estudante semester III Ihs Kampus ICS Comoro Dili atu promove mentalidade oinsa halo interasaun ho komunidade suku Ritabou.
Pro-Reitor ICD Herculano dos Reis Pinto hateten, objetivu husi sensiblizasaun ne’e rasik atu kapasita estudante no promove liu husi sira nia karakter mentalidade no bele transforma sira nia kapasidade bainhira halo interasaun ho komunidade.
Atividade ne’e extra, objetivu prinsipál mak hanesan kapasita estudante sira nia mentalidade oinsá moris hamutuk ho komunidade alende ne’e mos estudante bele fahe informasaun kona-ba setor saúde ba iha sosiedade atu nu’une bele hasa’e koñesimentu komunidade nian atu moris saudável,’’katak Pro-Reitor ICS ne’e.
Entretantu atividade ne’e sei sensibilizasaun ne’e sei realiza mos iha munisipiu Bobonaro posto administrativu Maliana suku Ritabou no envolve estudantes hamutuk 55 kompostu husi feto 26 mane 20 ba leten.
Iha parte seluk presidente komisaun organizadora Luizina Marçaal Soares Lopes, fundamenta, atividade sensibilizasaun ne’e tenke prepara ho diak antes estudante tun ba halo sosializasaun, importante liu tenke konfirma mós autoridade lokal, seguransa posto Maliana inklui estudante sekundária pre-sekundária no komunidade sira atu bele partisipa iha eventu sensiblizasaun ne’e.
Preparasaun ida ne’e hahu kedas husi survei fatin, hafoin ida ne’e ami haruka fali karta ida ba atu hetan autorizasaun, ikus liu ami nia karta konvite ami informa ba autoridade lokal sira, parte eskola sira husi pre-sekundariu no sekundariu, ami mos prepara materia mak hanesan ISPA, Diareia, HIV/Sida no hipertensaun oinsá bele fo konesimentu ba komunidade kona-ba moras ne’ebé ha’u mensiona ona, materia ne’e iha ami fahe tuir grupu, tanba maneria halo sensibilizasaun ne’e rasik hanesan dor to dor ba eskola sekundária no pre-sekundaria,’’katak Luizina.
Estajiadu : Juliao Pacheco
Editor : Agapito de Deus
