Lafaek News—Universidade Católica Timor ( UCT) asina akordu ho Universidade Nasionál Timor-Lorosa’e (UNTL) no Universidade Nasionál Brasília (UNB) hodi hasa’e kualidade edukasaun.
Magnifiku Reitór Universidade Nasional Católica ( UCT), Joel Casmiro Pinto, fundamenta universidade rua UNTL ho UNB iha esperensia barak no kualidade edukasaun ne’ebé diak, UCT presiza aprende husi universidade rua ne’e.
“UNTL iha esperensia ne’ebé barak, UCT hanesan ema ne’ebé foin mosu mai entaun prezisa aprende buat barak espesialmente husi UNTL, hanesan ohin apresenta husi reitor ,sira iha doutor no mestradu barak entaun aprende no kolabora , tan sira iha koñesimentu no abilidade, aproveita ho sentidu ne’ebé posetivu , liu liu ita hakarak desenvolve iha ensinu peskiza no estensaun( katak didikasaun ba moris sosiadade nian) sai hanesan objetivu fundamental ba loron ohin asina koperasaun ka MOU ho UNTL”, tenik Magnifiku Reitór Universidade Nasional Católica ( UCT) prof. Dr joel Casmiro pinto, OFM. ba jornalista iha univeridade UCT Balide Sesta (21/10/2022).
Reitor UCT ne’e reafirma, asina akordu ne’e foka liu ba iha fakuldade no departamentu ne’ebé univeridade rua iha, kontinua ona servisu hamutuk hodi hadia buat hirak ne’ebé menus iha UCT, UNTL sei kompleta no UNTL mos ajuda nafatin hodi dezenvolve asina akordu ka MOU ho Universidade Nasional Brasilia atu hasa’e kualidade peskija.
Iha fatin hanesan Reitór UNTL, João Soares Martins agradese tebes hafoin asina akordu ho UCT, hodi hala’o koperasaun di’ak entre universidade rua refere hodi servisu hamutuk.
“UCT universidade ne’ebé sei joven buat barak ne’ebé bele aprende ba malu no kontribui. UNTL iha esperensia ne’ebé barak. Dosente husi UNTL bele hanorin iha UCT ho fakuladde ne’ebé hanesan, no kontribui sira nia oras 10% mai UCT, dousente hirak ne’e tenki hetan autorizasaun husi reitor UNTL”, tenik Reitór UNTL.
Entretantu misaun ne’e eduksaun ne’ebé UCT iha sei hala’o servisu hamutk hodi hasa’e kualidade ensinu peskiza no estensaun ho parte hirak ne’e sei halo hanesan kursu medisina jeral, farmásia , komunikasaun sosiál no seluk tan, kopersaun sei hala’o durante tinan 5 nia laran, no sei halo avaliasaun fila-fali fali hodi kontinua servisu hamtuk refere.
Estajiada : Maria Xavier
Editor : Agapito de Deus
