Lafaek News–Domingu (03/04/2022), tuku 09:00 am, ekipa seguransa konjunta iha fronteira realiza atividade destroisaun ba sunu manu illegal hamutuk 26 husi estranjeiru mai Timor-Leste liu husi tasi.
Manu hirak ne’e kategoria manu futu, kancingan no madena. Razaun destruisaun (sunu hotu) tamba suspeitos sira importa ho mekanismu halo illegal transaksaun mai Timor-Leste,” dehan Komandante UPF Superintendente Polisia Euclides Belo liu husi Whatsapp, domingu (03/04/2022).
Komandante UPF Euclides relata, suspeitu nain rua husi Dili halo tranzasaun ilegal iha fronteira entre nasaun Indonesia ho Timor-Leste, no mos Suspeitu nain rua nee tuir ona prosesu identifikasaun iha UPF Batugade Bobonaru agora fila ona ba Dili.
Komandante UPF Euclides esplika, Autoridade Seguransa Konjunta kaptura suspeitu nain rua ne’ebé halo tranzaksaun ilegal iha area Fronteira iha loron 02/04/2022 tuku 02:00 madrugada ho evidénsia kompletu.
Jornalista :Orlando Magno
Editor : Agapito de Deus
