EDUKASAUN · 8 Apr 2024 18:40 ·

Traballador Ema Nain 128 Tuir Formasaun Fulan 3 Iha Sols Bekora


Traballador Ema Nain 128 Tuir Formasaun Fulan 3 Iha Sols Bekora Perbesar

Lafaek News—Sekretariu Estadu Formasaun Profesional no Empregu (SEFOPE), Segunda, 08/04/2024, ofisialmente hala’o lansamentu kursus lian ingles ho (AHHA) Sols, hodi fasilita formasaun ba kandidatu traballadór sira ne’ebé naran tama ona iha Sistema work ready pool, molok ba servisu Austrália.

Diretor Jerál (SEFOPE) Carlito do Rosário Cabral relata, lansamentu ba primeira etapa kona-ba formasaun lingua ingles entre SEFOPE ho AHHA-Sols, hodi fasilita formasaun ba kandidatu traballadór sira ne’ebé naran tama ona iha Sistema work ready pool, hodi ba servisu iha Australia, nune’e traballador sira ne’e bele prepara-an didiak iha lian ingles molok aranka ba servisu iha rai Australia.

“Kandidatu traballadór sira ne’ebé mak atu tuir formasaun ba etapa primeiru kona-ba lian ingles hamutuk 128, husi númeru kandidatu hirak ne’e, sei tuir formasaun lingua ingles durante fulan tolu iha sentru Sols Becora, atu nune’e kandidatu hotu bele preparadu ho diak iha lian ingles, molok aranka ba servisu iha nasaun Australia”, Carlito informa.

Nia hatutan, husi formasaun lian ingles ne’ebé fasilita ba kandidatu traballador sira, ita fiar katak sei garante kualidade ida ne’ebé diak ba traballador sira hodi ba servisu iha rai Australia, tanba sols ninia maneira hanorin ne’ebé diak ba ema hotu, liuliu iha formasaun sira hanesan ne’e, importante mak kandidatu traballador hotu iha esperitu vontade hodi aprende lian ingles durante fulan tolu nia laran.

“SEFOPE nafatin iha komitmentu bo’ot hodi servisu hamutuk ho Sols no hetan apoiu husi Byfat ho Plf hodi estabelese formasaun hotu iha munisipiu atu nune’e fasilita formasaun hanesan ne’e ba munisipiu hotu iha teritoriu Timor-Leste, liuliu ba kandidatu traballadór sira ne’ebé mak atu ba servisu iha Australia, husi númeru kandidatu hirak, mai husi traballadór hirak ne’ebé mak hahú husi inisiu to’o agora seidauk hetan oportunidade ba servisu iha Australia, tanba fallansu iha lian ingles hodi prejudika traballadór hirak ne’e labele ba Australia, maske sira seidauk hetan oportunidade, maibé traballadór hirak ne’e naran iha hotu Sistema, husi ne’e mak SEFOPE servisu hamutuk ho Sols hodi fasilita formasaun ba sira, atu nune’e tempu tuir mai sira sei hetan oportunidade hanesan traballadór hirak ne’ebé ba ona”, Carlito reforsa.

Entretantu Diretor Nacional AHHA-Sols Timor-Leste Mateus Carlos Saramento, haktuir relasiona ho lansamentu ida ohin ami senti orgullu tebes, tanba SEFOPE, servisu hamutuk ho ami hodi apoiu fasilita formasaun lian ingles ba traballadór hirak ne’ebé mak naran iha ona Sistema work ready pool, maibé seidauk hetan oportunidade hodi ba servisu iha nasaun Australia.

“Diretor dehan, ami fiar katak sei garante kualidade ne’ebé diak ba traballadór hotu ne’ebé tuir formasaun durante fulan tolu iha ne’e, la signifika katak garantia hanesan milagre, maibé fila ba ida-idak ninia esforsu no vontade aprende, tanba ami iha ne’e garante ema nia kualidade, laos kuantidade, sé ema ne’e mak laiha vontade atu aprende oinsá mak ita garante, maibé espera katak sei iha resultadu ne’ebé diak ba traballadór hotu ne’ebé tuir formasaun durante fulan tolu iha fatin ida ne’e molok aranka ba work ready pool Australia”, Mateus Carlos hakotu.

Jornalista : Crispin de J. Amaral

Editór         : Agapito de Deus

146 Views
Artikel ini telah dibaca 211 kali

Baca Lainnya

HA’U NIA HISTÓRIA MORIS MORUK NIAN HUSI TEMPU BA TEMPU

3 June 2024 - 16:09

ME Prepara  Simu Liurai Husi Brunei Darusalam  Vizita TL 20 Maiu

17 May 2024 - 00:11

SEKOMS Ho Embaixador Portugál Ensera Kursu Lian Portugés Nivel A1 Too B2  

6 May 2024 - 17:33

CNCI!P-INFORDEPE  Fasilita Formasaun Direitus Umanus ba Manorin  

15 April 2024 - 14:49

IDN Abertura  Kursu Ano Letivu  2024-2025  

26 March 2024 - 16:19

CVTL-ICRC Fasilita Treinamentu ba Jornalista TL Aumenta Kapasidade Ba Primeiru SokorusPerbesar

20 March 2024 - 09:35

Trending di EDUKASAUN