Lafaek News–Prezidente Repúblika, Francisco Guterres Lú Olo, lori Estadu Timor-Leste nia naran no ninia an rasik hato’o sentidas kondolénsias ba Conferência Episcopal de Timor-Leste, Igreja Katólika, no família direta saudozu Reverendíssimu Bispu Basílio de Nascimento no ba kompatriotas no amigu hotu ne’ebé mak besik.
“Conferência Episcopal de Timor-Leste lakon nia membru ida no ita nia País lakon patriota ida ho formasaun intelektuál exelente,” Prezidente Repúblika hato’o iha ninia mensajen.
Prezidente Repúbilka hatutan iha ninia mensajen, hakruuk ba memoria ema Igreja nian ne’ebe iha momentu defisil iha perkursu luta ba libertasaun nasional, akumula irmaun no irmans hotu-hotu, aten berani ba TImor Leste nia afirmasaun nu’udar povu no nasaun.
“Ha’u hakruk ba memória Ema Igreja nian, ne’ebé iha momentus difiseis iha perkursu ita-nia luta ba libertasaun nasionál, hatene halibur irmãos no irmãs hotu-hotu, ho aten brani, luta ba ita-nia afirmasaun nu’udar Povu no Nasaun, iha Frente Armada, Klandestina no Esterna/Diplomátika. Merese temi ho espesiál ba Dom Basílio de Nascimento nia apoiu ne’ebé labele nega ba Frente Armada, liuhusi dalan klandestinus.”
Prezidente Repúblika hato’o Deskanse ho paz ba Amo Dom Basílio de Nascimento.
Media PR
