LafaekNews–Prezidente Repúblika José Ramos Horta, deklara prosesu atu lori Timor-oan husi Nusa Tenggara Timur ( NTT) Kupaun ho Atambua hotu-hotu fila mai Timor Leste maibé, ba sira ne’ebé hakarak bele fila, tanba sidadaun Timor sempre sidadaun Timor no hetan nasionalidade seluk tuir konstituisaun RDTL .
Presidente Repúblika José Ramos Horta hatoo asuntu ne’e hafoin too iha Aeroportu Internasional Nicolao Lobato iha salaun VIP hafoin ho delegasaun fila ba Indonézia.
Prosesu la’os de’it hanesan objetivu katak atau lori Tmor-oan hotu-hotu fila mai Timor Leste rai moris fatin, maibé ba sira ne’ebé hakarak fila, fila tamba sidadaun Timor sempre sidadaun Timor, sira atu hetan nasionalidade oin seluk hanesan Indonézia ka Amerikanu ou português kuandu hakarak fila no hetan sidadania orijinál simu tamba konstituisaun hateten ida ne’e”, dehan Prezidente Repúblika Josè Ramos Horta hafoin too iha Aeroportu Internasional Nicolao Lobatu iha salaun VIP, Segunda 25/07/2022.
Xefe Estadu Horta Haktuir, Timoroan barak iha tiha ona abut iha Indonézia, lubuk ida iha oan no bei-oan iha Indonézia, servisu iha ne’eba no hetan fatin di’ak no pozisaun boot iha Indonézia.
Ha’u hasoru balun iha Jakarta no sira servisu boot iha ne’eba, ha’u hasoru sira hotu-hotu hanesan Francisco Lopes, Eurico Guterres no Joanico no sira hotu hakarak di’ak ba Timor Leste no Indonézia, hasoru elementu Timorense lubuk ida iha Kupaun NTT ne’ebé konsekuénsia 1999 sei hela iha ne’eba, reuniaun la’o diak ne’ebé hatudu hotu-hotu iha fuan no sentimentu laos hanesan pasadu 1999 maibé buat hotu-hotu muda no Timor-oan sira ne’ebé ho sidadania Indonézia ona kontente ho enkontru ne’ebé partisipa direita husi membru governu balun no governador NTT mak hanesan umanain no tulun organiza mos enkonru sira ho Timoroan sira”.
Iha okaziaun ne’e PR Horta deklara, Antes hasoru Timor-oan sira Xefi Estadu halo uluk enkontru ho arse bispo Kupaun no parte dioseze nian entuziasmu ho inisiativa ne’ebé Xefe Estadu iha liliu oinsa hametin rekonsiliasaun Timoroan sira nian tuir konsritu Fraternidade Umana ne’ebé amu Papa rasik mak halo atu ema hotu moris nudar maun alin.
Klaru katak Timoroan barak ba mai ona maibé balun too ohin loron labele mai Timor Leste tamba desizaun balun ne’ebé Nasoens unidas mak halo no lideransa sira momentu ne’eba laiha intervensaun maibé problema hotu tenke rezolve ida nemak ita hotu hakarak no saida mak Fraternidade Uman dehan ba povu no estadu iha rai ida ne’e”, esplika xefi estadu Horta.
Entretantu Xefe Estadu ho delegasaun Viajen Ba Indonézia iha loron 14/07/2022 hafoin fila mai Timor Leste iha loron 25/07/2022 media simu husi Primeiru Ministru Jenerál Taur Matan Ruak no oitavu governu konstituisional RDTL.
Jornalista: Rita Moniz
Editór : Agapito de Deus
