Lafaek News—Ministériu Agrikultura no Peskas (MAP), Diresaun Floresta Kafe e Plantasaun Industria, planeia hela ba tinan oin sei estabelese tanki ho kapasidade boot atu bele kapta udan been hodi fornese bee ba animal sira iha illa Jaco, munisipiu Lautem.
“Tinan kotuk liu ba ita nia rusa barak mate iha Jaco tanba ne’e ba tinan oin ami planeia ona atu estabelese konstrusaun ida iha jaco depozita uda been atu bele fornese fila fali ba animal sira n e’ebe iha jaco” dehan, Diretor jeral, floresta kafe e planta industria, Raimundo Rau, ba Lafaek News, iha nia kn’ar fatin, Kaikoli, (08/02/2021)
Nia haktuir, parte diresaun floresta Kafe no planta indústria prepara ona dezeña no prepara ona orsamentu atu bele realiza planu ne’e iha tinan oin 2022.
Entretantu, Konstrusaun ne’ebé sei harii husi diresaun floresta ho kapasidade mill litrus no orsamentu hamutuk 40 ital mil dollar mak sei aloka ba iha konstrusaun tanki iha illa Jaco, munisípiu Lautém.
Jornalista : Anselmo Monteiro
Editora : Nelya Barros
