Lafaek News–Dezde okupasaun Portugal tinan 450, no Indonézia ukun Timor tinan 24 no Timor independénsia ona tinan 20, maibé populasaun husi suku 4 kompostu husi Mape, Usukain, Lour no Fatuletu kontinua moris iha nakukun-laran.
Administrador Postu administrativu Zumalai Rui dos Santos, informa durante Timor-Leste ukun aan populasaun balu iha postu Zumalai munisipiu kovalima too agora seidauk asesu eletrisidade, maibé nia parte tau ona ajenda atu halo prosesu.
Suku Mape, Usukain, Lour, no mos suku fatuletu aldeia Nalaop mak seidauk asesu ba eletrisidade, sira ne’e hotu suku rua mak la asesu loos ba eletrisidade mak hanesan, Suku Mape ho Suku Usukain, suku Fatuletu ho Suku Lour iha aldeia balu mak seidauk asesu eletrisidade,” dehan Administrador Zumalai Rui ba Lafaek News iha nia knaar fatin Zumalai Kovalima, Tersa 04/01/2021.
Rui relata, ninia planu iha tiha ona momentu asume kargu hanesan administrador postu Zumalai antes simu tomada de pose nia rasik fo sai ona planu tolu ba publiku atu halao iha nia mandatu, hanesan eletrisidade, bee moos no estrada.
Planu hirak nee ita sei implementa hotu mak hanesan, planu konaba eletrisidade no mos estrada inklui bee mos tanba tolu nee importante hotu ba komunidade nia moris loro-loron,” Rui esplika.
Tuir dadus ne’ebé Jornalista Lafaek News Asesu, Total populasaun iha postu administrativu Zumalai hamutuk ema 17.000 resik mak kompostu husi, Suku Zulo, Fatuletu, Lour, Usukain, Mape, Tashilin, Raimea no suku Lepo.
Jornalista :Orlando Magno
Editor : Agapito de Deus
