Lafaek News – Komandu Polísia Nasionál Timor-Leste (PNTL) munisipiu Kovalima rejista kazu krime hahú husi Janeiru too Dezembru 2021 hamutuk 172.
Tinan kotuk 2021 PNTL ita rejistu kazu krime hamutuk 172, husi kazu hirak ne’e numeru aas liu maka, kazu ofensas integridade fízika simples no kazu ofensas integridade fíziku agravadu, tuir fali kazu Violénsia doméstika no mos ikus liu mak kazu kontra bandu ida ne’e akontese iha fronteira, bainhira ema hatama sasan ilegal,” dehan Segundu Komandante PNTL Kovalima Albino Mauzino ba lafaek news iha nia knaar fatin Kovalima, Tersa (04/01/2022).
Mauzino esplika, Prosesu hotu ne’ebé sira halo primeru rejista iha komandu munisipiu Kovalima depois halo prosesu identifikasaun hotu lori kedas ba tribunal hodi halo julgamentu.
kazu hotu-hotu ne’ebe Komandu Munisipiu Kovalima rejistu, agora iha hotu ona tribunal balu hetan ona julgamentu maibe sira neebe seidauk nafatin hein notifikasaun hodi partisipa prosesu iha tribunal,” Mauzino Deklara.
Nia argumenta, aktus krime ne’ebé akontese iha Kovalima hanesan situasional, tanba krime ne’ebé mosu sempre mai ho ninia tipu oi-oin entaun ema sira ne’ebé komete krime komandu bolu hodi tuir prosesu kumpri oras 72 depois kontinua prosesu ba iha tribunal.
Sira neebe tama iha prosesu normal ita sei prosesu nia tuir prosedimentu PNTL ne’ebé iha, ita halo identifikasaun durante oras 12 hafoin ida ne’e mak ita foin identifika lolos se mak envolve iha kazu ne’e,” nia reafirma.
Kada tinan Komandu PNTL Kovalima sempre halo sensibilizasaun ba populasaun sira nune’e hatudu rezultadu kazu krime hahu menus ho, tanba sei mantein ho programa sensibilizasaun ne’e.
Jornalista :Orlando Magno
Editor : Agapito de Deus
