Lafak News–Sekretáriu Estadu Ensínu Sekundáriu Jerál no Ensínu Sekundáriu Tékniku Vokasionál Domingos Lopes Lemos, akompaña husi Diretór Jerál Edukasaun no Ensínu Diretór Edukasaun Munisípiu, Diretór Infrastrutura no Diretór Ensínu Sekundáriu jerál Hala’o Vizita ba Iha Eskola Ensínu Sekundáriu Tékniku Vokasionál Hera, hodi observa direta konstrusaun eskola ne’ebe mak durante ne’e paradu hela.
Iha Vizita ne’e, Sekretáriu Estadu orienta kedas Diretór Infranstrutura atu foti medida emidiata ba kompaña ne’ebé mak abandona projetu konstruksaun eskola refere, atu nune’e bele loke hikas konkursu públiku foun ba kompaña seluk ne’ebe iha vontade atu hala’o servisu ho di’ak hodi kontinua obra refere ba oin ho responsabilidade hodi finaliza projetu eskola ne’e, nune’e estudante sira bele hala’o fali prosesu aprinedisazen ho di’ak.
“Tamba ne’e mak ita mai hare e agora dadauk fo hela servisu ida ba Diretór Infrestrutura hodi halo paraser ruma konaba situasaun ida ne’e, hakarak ka lakoi tenke foti medida ruma seriu tamba situasaun ne’e ameasa tebes. Tamba konstrusaun ba edífisiu hirak ma kompaña abandona hela, tamba ne’e husu ba Diretór Infrastrutura atu bolu kompaña ne’ebé mak abandona konstruksaun eskola tékniku vokasionál hera,”hateten Sekretariu Estadu hafoin vizita kontruksaun eskola tekniku vokasionál Hera, (9-10-2023).
Sekretáriu Estadu ne’e lamenta tebes ho obra konstruksaun eskola refere ne’ebe kaer hosi kompaña ne’ebé laiha responsabilidade, tamba abandona projetu kontruksaun eskola refere.
Tamab ne’e, nia husu atu kansela tiha hodi fo fali ba kompaña ne’ebe mak iha komitmentu hodi aselera konstruksaun eskola ne’e nune’e labele fo impaktu ba numeru estudante sira iha future.
No projetu refere hahu hosi tinan 2021 ne’ebe foin atinji de’it 36 kompaña abandona tiha. Aliened membru Governu ne’e mos observa direta ba kondisaun eskritória ne’ebé mak mota sobu iha tinan hirak liubá iha Eskola Ensínu Sekundáriu Tékniku Vokasionál Hera. (Media Official Ministériu Edukasaun)
