Lafaek News-(Lautém)-Servisu Tékniku Administrasaun Eleitorál (STAE) munisípiu Lautém, sesta (18/03/2022), desloka ona material eleisaun ba sentru votasaun hotu iha munisípiu Lautém atu povu ezerse sira nia direitu iha loron 19 fulan Marsu 2022.
Diretór STAE munisípiu Lautém, Sergio Belmonte iha nia diskursu abertura distribuisaun material sensitvu hateten, faze preparasaun ba material hirak komesa kedan loron 11 Marsu liu ba iha Lautém, halo pakotementu horikalan tuku 9 STAE segel metin ona material sensiativu hafoin desloka fatin votasaun.
Husu nafatin ba brigadista tomak ita sei termina iha dia 21 STAE persija nafatin hodi fo kontribuisaun totál ba elesaun ne’ebé akontese iha loron 19 nian, ami husu ema nia apoiu tomak hodi garantia elesaun ne’e la’o ho di’ak iha Lautem,” katak Sergio.
Iha okaziaun ne’e, Komisáriu CNE Munisípiu Lautém, Olavio da Costa Cristovão, reforsa prosesu elesaun iha Lautém tenke la’o ho di’ak, husu ema hotu atu koopera no labele halo interompe ba prosesu ne’ebé la’o, se mak interfere nia sei hasoru lei no orden, nune’e iha sentru votasaun hotu iha prezidente meja, PNTL sei kolabora hodi haree ba assuntu hirak ne’ebé tenta interfere prosesu eleisaun iha fatin votasaun hotu iha territóriu munisípiu Lautém.
Labele koko, se de’it mak koko, imi koko ona lei ho orden, tanba ne’e husu ema hotu atu koopera husu nafatin ba brigada no orgaun eleitoral hotu inklui PNTL atu asegura buat hotu la’o ho di’ak”.
Entretantu, distribuisaun material sensetivu ho noun-sensiativu ba sentru votasaun 80 no estasaun votasaun hamutuk 91 iha munisípiu akompaña direta husi PNTL Lautém.
Jornalista : CE. Lautém
Editor : Agapito de Deus
