Lafaek News—Sentru Saúde Komunitáeria Oesilo, ne’ebé Mak lokaliza iha suku Bobometo Sub-Rejiaun Oesilo rejiaun espesial Oe-Cusse Ambeno menus médiku no laiha ambulánsia
Xefe Departementu Saúde Bobometo, Fridus Elo haktuir iha sentru saúde refere iha de’it kareta operasional ida, maibé ambulánsia laiha bainhira pasiente moras todan iha aldeia ou sentru refere atu transferensia ba hospital Oe-Cusse sira tenki kontaktu ambulánsia husi SNAEM
“Iha sentru saúde iha ne’e kareta operasional ida ambulánsia seidauk bainhira iha kazu todan iha pasiente husi komunidade sira mai sira kontaktu ba ami pesoal iha sentru de saúde iha ne’e ami estabelese ami nia kolega Sira ne’ebé mak hetan piqueti Sira kontaktu mai sentru saúde de pois halo diagnosa transferensia ba hospital referal Oe-Cusse kona-ba ambulánsia ami tenki bolu husi SNAEM,” Fridus Elo ba lafaek News iha kna’ar fatin SSK suku Bobometo, 23/01/2025
Atendimentu loro-loron iha sentru saúde atende pasoente 50 ba leten, kona-ba programa saúde inan kada loron simu inan isin-rua 10 ba leten.
Iha Sorin seluk komunidade Maria Delfiana Oky husi aldeia Saben, sublina, bainhira sira moras todan atu ba halo tratamentu iha sentru saúde Oesilo tenki la’o oras 2 hafoin too iha sentru saúde no hasusar tebes inan-isin rua sira atu konsulta.
“Ami iha ne’e sentru saúde ida deit iha oesilo ne’ebé ami atu halo tratamentu ba ami nia moras ne’e ami tenki ba Oesilo bainhira ami la’o deit tenki oras 2 foin to iha sentru se ami ba ho transporte la too, mas ami tenki selu rasik kareta,” nia dehan.
Iha observasaun Lafaek News nota iha sub-rejiaun Oesilo iha postu saúde tolu no sentru saúde ida ho nia rekurus hanesan Médiku, infermeiru, Farmásia, parteira tékniku aliadus, laboratóriu,no Dotor, total hamutuk ema 44.
Jornalista : Felix Fernandes
Editor : Agapito de Deus
