Lafaek News–Kandidatus Prezidente Repúblika periodu 2022-2027 ho partidus polítikus sira komesa aprezenta aan hodi apoiu Laureadu Nobel ba Paz, José Manuel Ramos Horta nia kandidatura sei manan ho vitoria kualifikadu iha ronde daruak nu’udar batailla ikus.
Ha’u prontu tun fali ba baze iha fatin hotu-hotu tan agora hau sente servisu todan menus duke iha primeira volta maibe segunda volta ita nafatin servisu atu garante 300 Mil ital nee aumenta tan 100 mil votus neebe mai husi partidu no eis kandidatu balun,” dehan Kandidatu Prezidente Ramos Horta iha nia kna’ar fatin farol Dili, Kuarta 23/03/2022.
Horta sublina, hafoin eleisaun ronde dahuluk liu tiha nia simu kontaktu naba-naba husi kandidatus sira seluk atu apoiu nia iha eleisaun segundu volta, maibé kandidatu ida ka rua de’it mak apoiu sei hetan vitoria kualidade.
Ha’u la’os stres la’os mós ansi maibé ha’u simu ona lideres balun husi partidu no kandidatu balun hanesan partidu PD, PUDD no mos sira seluk, atu apoiu hau nia kandidatu ba segundu rona, ha’u kontente ho rezultadu ne’ebé boot maibe sei aumenta iha segundu volta entaun ami sei haree fali formatu kampaña maibe hau hanoin lalika halo komisiu barbarak tanba povu mós kolen,” nia apresia.
Iha sorin seluk, Prezidente Interinu Partidu PUDD Silvestre Sarmento Sufa informa, lori estrutura PUDD husi Nasional to’o baze deside ona apoiu José Ramos Horta iha segundu ronde, razaun PUDD apoiu máximu ba kandidatu ne’ebé destaka konfiansa Kay Rala Xanana Gusmão.
Ita iha komitmentu ida nee estrutura PUDD sei organiza masa no rekursu tomak husi baze too nasional nunee hotu-hotu fo apoiu ba Maun Ramos Horta hodi hetan nia vitoria lori ba Palasio Prezidente Aitarak laran,” Silvestre Deklara.
Iha fatin hanesan kandidatu prezidente períodu 2022-2027 númeru sorteiu 2, Hermes da Rosa Coreia Barros, deside kontaktu direita ho kandidatu prezidente vensedór ronde dahuluk,José Ramos Horta hodi luta hodi simu vitoria husi povu iha eleisaun ronde daruak.
Apoiu kandidatu ho númeru sorteiu 14 ho rajaun mai husi fuan hodi hanoin rai ida nee ba oin, Bainhira hau hasoru kandidatu numeru sorteiu 14 ninia resposta pozitivu tebes atu halo diak ba rai ida,” Hermes argumenta.
Jornalista : Orlando Magno
Editor : Agapito de Deus
