Lafaek News—Sekretaria Estadu komunikasaun Sosial (SECOMS) hamutuk ho Sekretariadu Organizasaun G7+ sesta (04/04/2025), realiza media briefing ho jornalista nasional sira kona-ba preparasaun ba loron komemorasaun G7+ ba dala 15 iha fulan Abril tinan ne’e.
Atividade média Briefing ne’e organiza hosi SECOMS, no servisu hamutuk ho sekretariadu organizasaun G7+ no se’i Hetan partisipasaun Hosi nasaun 13 neebe hola parte iha ba Membru G7+.
Sekretariu Estado Komunikasaun Sosial, Expedito Dias Ximenes hateten atividade internasional G7+ importante tebes husu ba jornalista sira atu hatudu ba mundo liu hosi kanál audiovisual no polítika ne’ebé governu iha atu lori Timor Leste sai membru G7+ ne’ebe permanente iha Nasoens Unidos.
“Ohin iha enkontru dahuluk atu fo hatene ba kolega jornalista sira katak, IX Governo Konstitusional haree atividade internasional G7+ ida ne’e la’os de’it impaktu polítika, maibé barak liu impaktu internasional ba mundo atu nune’e mundo bele koñese Timor Leste, la’os de’it liu hosi kanál audio visual ne’ebé ita fo, maibé mos liu hosi polítika ne’ebé ita iha hodi sai membru G7+ permanente iha Nasoens Unidos,”Afirma Expedito Dias Ximenes.
Governante ne’e, argumenta hosi eventu g7+ bele hatudu mos ba mundo internasional kona-ba progresu dezenvolvimentu iha Timor Leste iha setór hotu hanesan defeza siguransa, kultura, sosial no seluktán.
Fatin hanesan Sekretariu Jerál g7+ Helder da Costa hateten, komemorasaun eventu G7+ ba dala 15 ne’e sei la’o ho diak bainhira hetan kontribuisaun hosi media no Jornalista sira.
“Eventu komemorasaun g7+ ba dala 15 ita boot sira nia kontribuisaun halo kobertura masimo ba eventu nee tanba ita nia governo,ita nia estado tinan 15 ona inverte ba organizasaun g7+ too ohin loron ita nia rain timor leste nia naran morin tebes iha mundu internasional tanba ne’e nudar timor oan tenke orgulho ” hateten Helder da Costa, ba jornalista sira iha salaun g7+ palasiu governu Dili.
Entretantu iha eventu komemorasaun G7+ ba Dala 15 iha Timor Leste, sei hetan transmisaun direita hosi media ne’ebé ho ninia kategoria A1 hanesan no Media neebe ho kategoria A2 so bele halo de’it Stand UP no kobertura Formal.
Jornalista : Crispin de Jesus/Natalino C. Lopez
Editor : Agapito de Deus
