Lafaek News—IX Governu Konstitusional liu husi Sekretaria Estadu Komunikasaun Sosial (SEKOMS), fasilita formasaun ba media ofisial governu nian kada liña ministerial atu bele iha konesimentu klean iha avansu teknolojia nian.
SEKOMS, Expedito Dias Ximenes hateten objetivu husi formasaun ne’ebé fo ba media officer sira ne’ebé servisu iha liña ministeriais tanba relasiona ho avansa teknologia ohin loron nian
“Objetivu formasaun ba media officer sira hanesan ita hotu hatene media officer sira ne’e sira servisu iha liña ministeriais sira presiza formasaun liuliu relasiona ho avansa tecnologia oras ne dadaun ne’ebé Guverno hakarak atu kria flataforma Digital ida espesial ba iha IX Guverno,” Exepdito Dias Ximens ba jornalista sira iha Kinta semana ne’e.
Formasaun ne’e realiza tanba SEKOMS servisu hamutuk ho Konsellu Imprensa inklui TIC Timor.IP hodi kria plataforma Digital ida ho naran Sistema Desiminasaun Integrdu (SDI) hodi rekolha informasaun ne’ebé produs husi media officer sira no media komvensional no plataforma sira seluk, tanba media nia papel importante tebes ba prosesu konstrusaun estadu ho nasaun no media pilar ba demokrasia iha mandatu konstitusionál.
“SEKomS hamutuk ho TIC Timor no konsellu de impensa ami servisu hamutuk atu bele kria plataforma ne’e katak informasaun sira ne’ebé rekolha ou produs iha media officer sira husi media komvensial sira seluk no plataforma sira seluk plataforma SDI ne mak hanesan plataforma ida ne’ebé sei fo sai informasaun kona ba atividade Ix Governo konstitusionál en jerál ba iha públiku,” SEKOMS ne’e afirma.
Entretantu, nia afirma ligadu ho artigu 40/41 kolia kona liberdade de impensa liberdade de espresaun no mós direitu atu hatene informasaun husi sidadaun hotu hotu tanba ida IX Guverno hare ida ne importante tebes tanba ne Liu husi plataforma SDI ne’e hodi fo sai informasaun ne’ebé mak kredivel no lolos ba públiku tanba ho Mudansa avansadu tecnologia ohin loron nia la’ós jornalista mai sai produtor ba informasaun maibé ema ida-idak ne’be ho Android bele sai produtor ba informasaun tanba mak sempre informasaun ne’ebé hoax mosu desimformasaun tanba nee mai liu husi SDI ne’e hodi esplika ba públiku informasaun ne’ebé mai los kredivel
Jornalista : Natalina de Jesus
Editor : Agapito de Deus
