Lafaek News—Sekretáriu Estadu Formasau Professional no Empregu (SEFOPE), kuarta (11/11/2020), selebra nota entendimentu ho kompañia 16 ho intensaun haruka formandus ema na’in 484 hala’o estájiu.
“Estájiu nasionál nia objetivu mak oinsa atu promove graduadu sira husi Sentru formasaun Universidade tékniku no eskola tékniku sira partisipa iha programa Formasaun no esperensia iha servisu fatin,” dehan Diretor Nasionál Formasaun Professionál , Mateus W. dos Santos Tallo, ba jornalista iha nia kna’ar fatin Kaikoli, Kuarta (11/11/2020)
Nia hatutan, Graduadus sira husi eskola téknika bele ba aprende iha indústria ka setór privadu sira ne’ebé iha oportunidade ba graduadu sira hodi aprende ba teoria ne’ebé sira aprende ona iha sentru formasaun hodi nune’e sira bele aplika iha industria hirak ne’e.
“Programa ida ne’e alina ba ita nia politika formasaun maka ita nafatin kontinua enkoraja ita nia joven sira ba iha empregabilidade ho kompetitivu,” dehan nia
Nia esplika, Total benefisiariu ba programa ida ne’e hamutuk ema 484 ba area espesializada (6) hanesan, turismu no hotelaria ema 101, konstrusaun sivil ema ma’in 139, agrikultura ema na’in 108, administrasaun no finansas ema na’in 113, automotive ema na’in 14 no petroleum ema na’in 9.
“Fatin sira ne’e mak estajiu sira atu halao estajiu ba hamutuk kompanhia 16 mak hanesan,” Mateus dehan,
Entretantu, kompañia 16 ne’ebé estajiáriu ema na’in 484 sei hala’o estájiu ba hamutuk lompañia Venedemik Aircond, D. Dilson Lda, Jonize unipesoal lda, Golgota Hotél, Jenic Construction lda, Shah Garden, Matrix Karpintaria, G&S, Three horses, IPG, Millenium Green Agro, Lauhata Beach, Timor Plaza, FHK group, ONG ADTL no RH-Ministériu Justisa.
Jornalista : Sandi Belo
Editora : Nelya Barros
