Lafaek News–Eis Kandidatu prezidente periodu 2022-2027,Tenente Jeneral (Reformadu) Lere Anan Timur husu ba kandidatu nain rua Ramos Horta ho Lu Olo ne’ebe konkore iha eleisaun segundu volta, bainhira ida eleitu ba prezidente tenke sai aman ba estadu no povu Timor Leste.
Se mak sai prezidente Repúblika labele haluha ninia knaar nu’udar aman ba nasaun tenke sai peezidente ba povu tomak tenke buka solusaun ba problema ne’ebe ita atravesa, halakon impase politika no krize ekonomia iha rai laran ida nee mak dever Prezidente ninia,” dehan JLAT ba jornalista iha nia edifisiu Pantai Kelapa Dili, Sábadu (16/04/2022).
Jeneral Lere afirma, ema hotu hatene ohin loron Timor Leste ukun aan tina 20 ona, lolos iha ona situasaun seluk tanba deit impase polotika no krize hira nee Timor-Leste nafatin marka pasu iha fatin, ko’alia kona-ba konstituisaun sei viola ka la’e, importante implementa tuir konstituisaun nian esensial liu kria paz no unidade iha rai laran.
Ha’u apela ba sira neebe ukun rai ida nee tenke ho konsiensia no reaponsabilidade inklui sentidu estadu nian, labele ukun hanoin deit kadeira ho osan, hau hanoin ida nee ita sei prezudika ita nia jerasaun foun sira nia futuru,” Lere Esplika.
Entretantu, iha nia intervensaun katak, nia parte husu ba ninia apoiante sira atu vota ho konsiensia bainhira ba vota iha eleisaun sengundu volta ne’ebé monu iha loron 19/04/2022 Lere Anan Timur la adere ba kandidatu A ka B.
Jornalista :Orlando Magno
Editor : Agapito de Deus
