Lafaek News–Sarani doben sira tenki haksolok, tanba tempu susar sira liu ona, karik ekonomia iha familia seidauk aumenta di’ak, karik moras ruma seidauk bele kura, maibé importante klamar maromak kasu ona, hamos ona salan sira, maromak perdua ona, ne’e mak fo kmaan makas tebes, hodi bele hakas an liután moris.S
Padre Selebrante Parókia Igreja Saõ José Operário Ai-mutin Emanuel Lelo Talok, CMF, katak ahi lakan simbolu Cristo roman mundu nian, kabas lilin hanesan klamar Cristo nian, manan halakon ema mate, Nai maromak haraik bensa ba sarani hotu, hodi leno sarani hotu laran, liuhusi lilin festa paskua nian.
Aleluia, Sarani Sarani doben sira ita tenki haksolok, tanba ita nia tempu susar sira liu ona, karik ita nian ekonomia iha familia seida’uk aumenta di’ak, karik ita moras ruma seidauk bele kura, maibé importante ita nia klamar maromak kasu ona, hamos ona ita nia salan sira, maromak perdua ona, ne’e mak fo kmaan makas tebes ba ita, hodi ita bele haakas an liu tan iha ita nia vida moris”, dehan amu selebrante iha ómila selebrasaun misa Páskua kalan Emanuel Lelo Talok CMF, iha igreja Parókia saõ Josè Opererariu Aimutin sabadu kalan (16/04/2022).
Nailulik Paróku Emanuel hatete, lilin lakan hodi leno sarani katolika, lilin ninia lakan hosi Jesus kristo, ne’ebé ksolok moris hias tiha ona, Kalan santo ne’e kalan ne’ebé Jesus kristu husik mate, hadeer hodi rona maromak lian, nune’e moris hias hamutuk ho aman maromak.
Observasaun Lafaek News.com iha selebrasaun festa paskua ne’e, molok misa sunu ahi lakan ne’ebé ekipa prepara iha igreja oin, hodi fo haroman ba sarani hotu no sarani sira sunu lilin, molok sunu lilin ekipa hosi parokia São José Operário Ai-mutin, halo Bidú no toka babadok hodi haleu ahi ne’ebé lori roman ba sarani hotu hodi kontinua fo bensa bee.
Jornalista : Rita Moniz
Editór : Agapito de Deus
