Lafaek News—iha loron 13 de Júnu nudar loron selebrasaun ba illas St. António ba sarani kapela St António Fomentu II atu halo devosaun tuir fiar kristaun katólika nian.
PE: Frei Marciano Almeida Soares OFM, esplika loron Santo António sei selebra iha loron 13 fulan Juñu, maibé molok atu tama ba loron 13 ne’e sarani sira hala’o uluk ona Novena ba Santo António iha loron 4 de Juñu.
“Kada tinan ne’e iha selebrasaun festa santo António ne’e iha 13 de Juñu, maibé molok 13 de Juñu ne’e ita halo novena, ita reza ba Jesus Cristo liu husi Santo António nia harohan da’et, tanba ne’e ita hasa’e ita nia devosaun sira, durante loron 9 nia laran atu tama ba festa bo’ot Santo António nian hahú husi loron 4 ba too iha dia 12 depois dia 13 ne’e Ita selebra Santo António,” Pe: Frei Marciano ba Lafaek News iha Fomentu II, tersa 04/06/2024.
Nailulik ne’e fundamenta liután selebrasaun loron St. António la’os iha de’it fatin ida, maibé fatin hotu-hotu mos sei selebra loron fiar ida ne’e.
“Iha Dili ita selebra kada tinan, Franciscano sira selebra iha Dili iha fatin Berlio kada tinan selebra festa St. António nian, tanba Fundasaun, Frey franciscano sira iha Timor Leste mos hili Santo António sai hanesan mahein ba Frey sira entaun kada tinan ita sempre selebra festa ida ne’e,” nia afirma.
Hodi dehan, kona-ba vizita papa Francisco mai Timor ne’e halo Novena hodi haklean sira nia fiar, la’os de’it atu simu amu papa, maibé importante liu mak haklean sarani sira nia fiar ba maromak.
“Ita hare en-jeral ne’e sarani sira iha Antuziasmu ne’ebé bo’ot atu simu amu papa, maibé husi realidade sira ita haree hanesan Novena sira konvida sarani sira atu haklean sira nia fia, tan ne’e iha Novena ne’e mos ita hili tema ne’e mos halo Santo António nia fiar, ne’e sai ha’u nia fiar la’os ita mai reza de’it, ita nia fiar ba Jesus Cristo ne’e mos tenki sai sarani ida ida nia fiar, tanba ha’u senti ida ne’e mak sarani sira nia preparasaun ne’ebé mak sira halo, maibé buat fiska sira barak mak sarani Timor halo prepara hela da-daun ne’e atu simu Amu papa mai iha Timor,” nai lulik ne’e hakotu lia.
Observasaun Lafaek News, sarani husi Kapela St. António Fomentu II kompostu husi ferik-katuas, joven no adulsiensia sira simu illas St. António ho haksolok no nakonu ho devozaun husi reja.
Estagiada : Maria Jesus/Nidinha Francisca
Editor : Agapito de Deus