Lafaek News—Xefe Casa Sivil prezidénsia Repúblika, Francisco Maria de Vasconcelos, informa, ohin Prezidente Repúblika (PR), Francisco Guterres Lú-Olo, rekomenda pedidu ba Parlamentu Nasionál (PN) hodi estende tan estadu emerjénsia ba dala sanulu resin ida, nune’e halo prevensaun ba pandemia Covid-19.
Enkuantu iha reuniaun Konsellu Superior Defeza no Seguransa (KSDS) no Konsellu Estadu (KE), rekomenda ba presidente republika hodi halo pedidu ba parlamentu nasionál atu estende estadu emerjénsia ba dala sanulu resin ida.
“Aban (ohin-red) Prezidente Republika, haruka pedidu governu nian ba Parlamentu nasional atu diskute no aprova maka PR dekreta,” dehan xefe casa sivil, Francisco Maria de Vasconselho ba jornalista sira hafoin reuniaun KSDS remata iha palasiu prezidensial Nicolau Lobato, Bairo-Pite, kuarta semana ne’e.
Xefe casa sivíl hatete, medidas ba EE ne’e nafatin hanesan uluk maibé tenke partispasaun husi forsa para apoiu ba forsa defeza ne’ebe servisu iha fronteira, bainhira PN aprova ona iha parlamentu nasionál maka governu sei halo dekretu ida ho medidas atu nune’e aplika iha territóriu tomak liu-liu pontu entrdas sira.
Jornalista : Sonia de Almeida
Asisten Editór : Pedro de Almeida
