Lafaek News—Professor reklamante ho professor kontratadus tinan 2023, Segunda 29/01/2024, ba halibur an iha edefisiu Ministériu Edukasaun hodi deklara aseita atu tuir bolsa kandidatus.
Portavos profesores kontratadus ho reklamante 2023, Agustino da Costa Belo husu ba Ministériu Edukasaunatu aselera lalais bolsa kandidatu hodi responde preokupasaun estudante sira nian iha eskola, ministériu edukasaun labele konsidera professores kontratadu 2023 ne’ebé mai ezise sira nia direitu atu tanaba ingresu espesiál, tanba sira la priense kritériu iha artigu 11, kona-ba ingresu espesial dekretu lei nú 31/2023, 31 fulan Maiu, dekretu lei ne’e rasik governu aitonka mak halo.
“Prezidente repúblika promulga ona lei ne’e iha loron 31 fulan Maio tinan 2023, tanba ne’e eis-professor kontratadu ne’ebé asina kontratu iha loron 17 fulan Abril 2023, tenki hatene katak, kontratu ne’e rasik hahú husi loron 01 fulan Janeiru 2023, no kontratu ne’e rasik termina duni iha loron 31 fulan Dezembru tinan 2023, tanba la’os exelensia ministra rasik mak hapara ka hakotu kontratu ne’e lae”. Porta Vos haktuir.
Nia dehan, husu ministra edukasaun, mantein nafatin dezisaun tuir lei ne’ebé iha, no kaer mensajen Primeiru Ministru Kayrala Xanana Gusmão katak, dezisaun hotu-hotu tenki bazeia ba lei.
“Ami professor reklamante ho professor kontratadu ne’ebé la partisipa iha manifestasaun ne’e, pronto atu la’o tuir regras ne’ebé ministeriu edukasaun fó sai ona ba públiku katak, sé mak atu sai professores tenki mai kompete vaga ne’ebé mak ministeriu edukasaun fó sai ona katak professores tenki mai ho kualidade atu hadia edukasaun iha Timor-Leste, ami nia esperansa katak, iha mandatu IX governu ne’e tenki resolve kualidade edukasaun iha Timor-Leste tuir duni padraun ho nia rekursus ne’ebé diak liu ba futuru nasaun ne’e nian, tanba ami hakarak kaer metin prinsipiu ha’at ne’ebé mak ministeriu edukasaun iha, tanba ami professor reklamante no kontratadu tinan 2023, hakarak esklarese ba públiku katak, ami sei hatudu ami nia responsabilidade nu’udar professor ne’ebé hakruk ba lei no regras edukasaun nian ne’ebé sai nu’udar ezemplar ba estudante futuru nasaun ne’e nian”. Nia salienta.
Portavos ne’e mos husu eis-professores ne’ebé mai partisipa iha manifestasaun ho atitude ne’ebé la di’ak hodi hatudu étika no moral nu’udar ema edukadór iha públiku nia matan, tan ne’e husu ba inan, aman, lider nasional sira, veteranus, joven mane no feto, atu tau fiar nafatin ba professores Timor-Leste ne’ebé iha kualidade no iha étika professional.
Jornalista : Crispin de j. Amaral
Editor : Agapito de Deus
