Lafaek News–Ministeriu Edukasaun Juvrentude no Desportu (MEJD) liu husi Diresaun Nasionál Rekursu Humanu (DNRH) ho Komisaun Funsaun Publika (KFP), kinta ( 24/08/2021), fahe informasaun ba responsavel servisu edukasaun Lautém atu dever no direitu nu’udar funsionariu publiku.
Diretur Nasionál Formasaun Dezenvolvimentu Komisaun Funsaun Publika, Fransisco da Costa Ferreira, hateten objetivu prezensa iha Lautém atu fahe informasaun ba funsionariu públiku sira ne’ebé servisu hanesan profesóres sira atu komprende no aplika lei sira ne’ebé iha ona ba funsionariu sira ho di’ak.
“Atu halo dezempena servisu di’ak iha servisu fatin dirijente sira hahú husi inspektur eskola nian too kordenadora filiais sira persija komprende liu-liu leis no prosedimentu sira liga ho avaliasaun dezempenu iha administrasaun públika ne’e iha rua ida ba rejime espesial no ida ba rejime jerál nian, klaru ministeriu edukasaun kolia kona ba rejime espesial ba profesores sira,”Fransisco da Costa Ferreira
Diretur Nasionál Dzenvolvimentu Komisaun Funsaun Publika ne’e esklarese, iha okaziaun ne’e ko’alia mós kona-ba siguransa sosial nian liu-liu lei kona-ba konstributivu seguransa sosiál.
“Funsaun Publika Rekursu Humanu Ministeriu Edukasaun nian no institutu Nasionál Seguransa Sosiál ko’alia liu kona ba-direitu ba funsionariu sira nian,” Fransisco da Costa Ferreira afirma.
Atividade desiminasaun informasaun ne’e hala’o iha salaun edukasaun Munisípiu Lautém kinta partisipa iha atividade ne’e, diretur edukasaun, inspektures no diretur da eskola sira inklui mós kordenador eskola filiais sira iha munispiu Lautem.
Jornalista : CE Lautém
Editor : Agapito de Deus
