Lafaek news Prezidente Repúblika José Ramos Horta kompromete ba Asosiasaun Ema Afeita Lepra Timor Leste ( AEAL-TL) sei aprosimasaun ho país doadór nasaun Viziñu hodi fo apoiu ba ema ne’ebé afeita moras lepra.

Asuntu ne’e hatoo husi Diretor Asosiasaun ema afeita Lepra Timor leste (AEAL-TL) Joel Costa dos Santos hafoin remata enkontru ho Prezidente Repúblika José Ramos Horta iha Palásiu Prezidensiál Tersa ( 09/08/2022).

Iha enkontru ne’e Presidente Repúblika José Ramos Horta ko’alia ba ami  katak sei halo aprosimasaun ho país doadór sira hanesan nasaun Viziñu atu fo apoiu ba ema ne’ebé afeta moras Lepra”, dehan Diretor AEAL-TL ba jornalista iha Palásiu Prezidensiál Tersa ( 09/08/2022).

Tuir Diretor AEAL-TL katak, Ba tempu ida ne’e asosiasaun seida’uk iha dadus ne’ebé mak adekuadu, tanba foin estabelese hanesan asosiasaun foun iha Timor Leste, dadaun ne’e sai trajetu hela ba numeru ne’ebé mak as iha Munisípiu Baucau, Oe-cusse, Dili, Manatuto ida ne’e sei sai hela àrea ne’ebé mak moras lepra sei iha.

Ba tempu ida ne’e ami seida’uk iha dadus ne’ebé mak adekuadu, tanba ami foin estabelese hanesan asosiasaun foun iha Timor Leste,  entaun dadus ne’ebé mak iha ita hatene katak Tinan hirak liu ba kotuk ita nia estadu elimina tiha ona moras lepra, maibé moras lepra ne’e nafatin eziste iha Timor Leste, Dadaun ne’e sai trajetu hela ba numeru ne’ebe mak as iha Munisípiu Baucau, Oe-cusse, Dili, Manatuto ida ne’e sei sai hela àrea ne’ebé mak moras lepra sei iha”, esplika Diretor AEAL-TL Joel.

Asosiasaun AEAL-TL ne’e afirma tan katak, Durante ema ne’ebé afeta moras lepra sira nia tratamentu maiória sira tenke hemu pakote aimoruk ida natan DT  tinan ida, maibé tanba ladun hetan esplikasaun ne’ebé mak adekuadu, maiória pasiente sira ne’e barak mak Drop out   iha ospital sira, iha sentru saúde sira tanba ladun hetan esplikasaun klaru, maiória sira mai ne’ebé mak drop out ona sira fila fali mai tratamentu sira ho kazu ne’ebé mak difisiénsia.

Organizasaun ne’ebé mak tau matan ba ema ne’ebé afeta lepra  ami asosiasaun ne’e garantia katak sei laiha diskriminasaun tan ema afeita lepra, sei laiha estígma, no sira nia tratamentu sei adekuadu, tanba ita hatene moras lepra uluk ita nia avo sira seida’uk iha tratamentu ema sira ne’e hetan estígma, soe, izola, tau iha fatin seluk”.

Entretantu  Asosiasaun ema afeita  Lepra Timor Leste ( AEAL-TL) estabelese iha tinan 2019, no asosiasaun ne’e rasik hetan legalidade iha tinan 2022 fulan abril.

Jornalista : Rita Moniz 

Editór       : Agapito de Deus