Lafaek News—Prezidente Konsellu Imprensa (KI), Virgílio Guterres, konsidera Plataforma media Online komesa aumenta nia ezisténsia sei bele fó espasu di’ak ba públiku atu asesu informasaun ho lais no balansu.
Lider órgaun Konsellu Imprensa ne’e katak, plataforma online ne’e fo opsaun barak ba públiku katak la’os ona ida ka rua de’it, más eziste barak ona atu públiku iha liberdade buka halo informasaun iha rai laran ho balansu.
“Ida ne ita orgullu tanba inisitiva ne’ebé maluk sira hamosu plataforma hamosu media ba plataforma online nian,” dehan prezidente KI ne’e iha serimónia atribuisaun karteira profesional ba Jornalista na’in 16 iha Salaun, Delta Nova, sesta (18/12/ 2020).
Prezidente Konsellu Imprensa hateten dezafiu ne’ebé konsellu imprensa hetan mak too agora oinsá enkoraza estadu hodi fo apoiu media konvensional sira liu jornal diáriu sira ne’ebé eziste iha Timor Leste.
Iha fatin hanesan Jornalista Expedito Dias, iha ne’ebé simu mos karteira professional husi konsellu imprensa, hateten funsionamentu husi karteira professional ne’ebé órgaun KI atribui nu’udar baze legal atu jornalista sira ka’er atu halo kna’ar hodi reprezenta media iha rai laran.
“Ha’u ko’alia uluk esénsia husi karteira professional hanesan baze legál atu jornalista sira kaer halo kna’ar hodi reprezenta media halo kna’ar iha rai laran, dala barak ita ne’ebé hanoin katak ita tenke salva guarda saida mak ita simu tuir komprimísiu deklarasaun nia esensia sei la hanesan ho billete de identidade tanba ita hetan karteira profesioanl ita mos tenke professional,” dehan Expedito Dias husi Media GMN.
Jornalista : Acacio Pinto
Editora : Nelya Barros
