Lafaek News—Prezidente Konsellu Kombatentes Libertasaun Nasionál (KKLN), Vidál de Jesus Riak Leman husu ba konsellu veteranus munisipál Kovalima tenke koopera ho estadu no autoridade sira no mós kompaña atu nune’e bele fó seguransa ba mina ne’ebé mak aban atu fura.
“Ita rona mina iha tasi laran mak agora pertense ita veteranu sira, terseira idade sira hodi halo dezenvolvimentu nivél nasionál, neduni espera katak aban fura mina, povu tomak no veteranu sira, hotu-hotu sei hetan benefisiu iha nebá,” dehan Riak Leman iha nia diskursu kalan ne’e, iha monumentu Masakre Setembru Negro Kovalima, tersa (26/10/21).
Nia informa tan, esforsu veteranu Australia nian no veteranu Timor-Leste mak konsege halo akordu ho kompaña ida ne’ebé aban atu fura mina no iha momentu nebá sestu governu nia tempu, Kairala Xanana Gusmão hanesan Ministru Planeamentu e Investimentu Estratéjiku.
“Veteranus sira iha Timor-Leste ba hela de’it Australia i veteranus sira Australia mós mai iha Timor-Leste, sira nia esforsu mak ohin ita bele konkretiza iha oitavu governu atu fura mina ida ne’e,” tuir nia.
Jornalista : Juvita dos Santos
Asisten Editór : Pedro de Almeida
