Lafaek News—Provedoria Direitus Umanus no Justisa (PDHJ) hamutuk ho sosiedade sivíl no parseru sira realiza diálogu ba prevensaun tortura no ratifikasaun protokolu fakultativu no konvensaun kontra tortura.
Providoria Direitus Humanus no Justisa Virgilio Guterres “Lamukan” hateten liu husi diálogu atu fahe hanoin ba malu kona-ba prosesu prevensaun tortura no ratifikasaun protokolu fakultativu ba konvensaun kontra tortura oinsa ho nia prosesu no mekanizmu hodi enkoraja no rekomenda parlamentu nasional ratifika konvensaun refere
“Diálogu ida ne’e ho parseiru sira kona-ba asuntu importante ida mak prosesu ratifikasaun protokolu obsional kontra tortura ninian, hanesan maluk sira hatene katak ita Timor-Leste ratifika tiha ona konvesaun nasoens unidas nian kontra tortura iha 2025, elementu importante ida mak ita seidauk ratifika, ita kompromete 2025 atu asina ne’e maka, protokolu fakultaivu, ba obsional protocol kontra tortura ida ne’e,” Providoria Virgilio Guterres “Lamukan” ba jornalista iha Orchid Room Timor Plaza Comoro 18/3.
Nia haktuir katak antes ne’e PDHJ enkamina ona rekomentdaun nota konseitu ba Parlamento Nasional hanesan razaun ida atu sira bele ratifika protokolu fakultativu ba konvensaun kontra tortura.
“Semana rua liu ba PDHJ haruka ona rekomendasaun ba Parlamentu Nasional tan ne’e diálogu ne’e ami konvida sosiedade sivíl, (AJAR), APQ husi Suiça PN no parseiru seguransa hamutuk, Sosiedade sivil aprezenta nota konseitu rekomendasaun, tamba sa Timor-Leste presiza konvensaun sira ne’e hodi ekoraja PN atu diskuti no ratifika lalais protokolu fakultativu ne’e,” dehan Providoria
Iha fatin hanesan Vise Prezidente Komisaun A parlamentu nasional, António Verdial hateten, Parlamentu Nasional ne’ebé reprezenta povu sempre iha ba PDHJ, bainhira submete dokumentu sira kona-ba protokolu fakultativu ba konvensaun kontra tortura.
“Ha’u hatete katak kuotidianamente parlamentu ne’e hanesan reprezentante povu, orgaun lejislativa ne’ebé saida de’it mak PDHJ hakarak parlamentu sempre iha ba PDHJ, signifika katak dokumentu saida deit mak PDHJ hamutuk ho Sosiedade Sivil atu haruka mai parlametu, parlametu sei hare’e ho didiak atu nune’e iha tempu ba badak bele ratifika dokumentu refere,” Deputadu António Verdial tenik.
Jornalista: Gracia Soares
