Lafaek News—Ohin dader oras haleu tuku 06 : 06, rona ema tanis iha fatin Interna Wanita, tanba mane ida identifikadu pasiente ida ho naran Marçal Maia idade (38) husi munisipiu Ermera tara an iha haris fatin.
Matebian antes ne’e hanesan mos pasiente ida ne’ebé baixa iha sala interna no nia komesa baixa iha HNGV loron 14/09/2024, orijen husi munisipiu Ermera.
Kronolojia ne’ebé hatoo husi matebian nia kaben katak, matebian Marçal Maia tara an duni iha haris fatin oras haleu tuku 05 dader, bainhira nia ba haris fatin matebian tara an ho nia kalsa talin rasik no matebian ho kondisaun is laiha ona.
Matebian husi aldeia Hatulete suku Katrai-Krai, postu administrativu Letefoho munisipiu Ermera, no oras ne’e dadaun mate isin sei iha Hospital Nasional Guido Valadares hodi subemete ba prosesu autopsia.
Too notisia ne’e hatun, Redasaun Lafaek News seiduk halo konfirmasaun detallu ho jerente Hospital Nasional Guidu Valadares inklui autoridade sira seluk, tanba ne’e sei kontinua notisia ne’e ninia verasidade hodi konklui.