Lafaek News—Família husi matebian Marçal Maia, deklara katak matebian taran tanba frustasaun ho nia saúde, maibé la’os tara an tanba aimoruk laiha no la’os tranba tratamentu la di’ak husi médiku sira iha Hospital Nasional Guidu Valadares.
Asuntu ne’e hatoo husi Miguel Maia nudar família hosi Matebian Marçal Maia, ne’ebé mate tanba tara an iha Haris-fatin Hospital Nasional Guido Valadares, dader tuku lima, kuarta (25/09/2024).https://www.lafaeknews.tl/pasiente-mane-ida-husi-letefoho-tara-an-iha-hngv/
“ Hanesan família atu klarifika kona-ba akontesimentu kona-ba matebian Marçal Maia husi postu administrativu Letefoho, nia mai HNGV ne tanba moras, hanesan media balun lansa ona notisia katak motive tara an ho informasaun oi-oin, maibé lolos nia (matebian) moras grave, moras iha uma kuaze fulan ida ona, hafoin lori mai HNGV semana rua ho balun, nia sofre moras hepatitis, kauza ba liur boot la diak, so liur kiik mak bele, ida ne’e nia la aguenta,” haktuir família matebian.
Miguel informa, Matebian nia kondisaun saúde la aguenta ona, dalan ikus mak tenke lori fila ba família sira, nune’e la konsege halo operasaun ba matebian, ho ida ne’e, matebian rasik rona informasaun ne’e, nia rasik lakon kontrola hanoin tenke tama haris fatin hodi kore rasik nia kalxa talin hodi tara an.
“ Matebian nia saude la aguenta ona, entaun hein atu dotor sira halo operasaun ho hodi hate moras hepatitis ne’e, entaun matebian kala rona dotor sira dehan atu halo operasaun, maibé dehan labele halo ona operasaun tanba nia kondisaun grave liu ona no tenke lori fila fali ba knua, ohin dader tuku 5 hanesan ne’e ami hanoin ba soe bee kiik iha haris fatin, xave metin tiha, nune’e hasai nia kalxa talin hodi tara an,” família ne’e informa
Entretantu, akontesimentu ohin dader oras haleu tuku 06 : 06, loron Kuarta (25/09/2024), bainhira rona família tanis iha fatin Interna Wanita, tanba mane ida identifikadu pasiente ida ho naran Marçal Maia idade (38) husi munisipiu Ermera tara an iha haris fatin.
Matebian antes ne’e hanesan mos pasiente ida ne’ebé baixa iha sala interna no nia komesa baixa iha HNGV loron 14/09/2024, orijen husi munisipiu Ermera.
Kronolojia ne’ebé hatoo husi matebian nia kaben katak, matebian Marçal Maia tara an duni iha haris fatin oras haleu tuku 05 dader, bainhira nia ba haris fatin matebian tara an ho nia kalsa talin rasik no matebian ho kondisaun is laiha ona.
Matebian husi aldeia Hatulete suku Katrai-Krai, postu administrativu Letefoho munisipiu Ermera, no oras ne’e dadaun mate isin sei iha Hospital Nasional Guido Valadares, maibé familia sira la aseita atu submeter ba prosesu autopsia, tanba matebian mate ho kondisaun tara an.
Ekipa Kobertura : Lafaek News