Lafaek News—Ministru Asuntu Parlamentar no Komunikasaun Sosial (MAPKOMS), Francisco Martins da Costa Pereira Jeronimo iha briefing jornalista nia husu atu proteze labarik kiik oan sira iha ámbitu kampania polítika ba eleisaun parlamentár 2023.
“Atividade ida ohin halo briefing atu halo preparasaun ba ita nia alin sira idade kiik no mos ba difisiente sira ne’e maka ohin bolu jornalista sira mai ita hotu hotu hamutuk iha ne’e halo nusa mak ita idak idk nia papel atividade profisaun sira liu husi knar ne’ebe mak iha. Ita boot sira mídia oinsa hatun notisia atu proteze alin sira entaun fo hanoin ba ita nia inan-aman sira ita nia komunidade oinsá ita hotu iha obrigasaun atu halo protesaun ba ita nia alin sira” Hateten Ministru MAPKOMS Francisco Martins da Costa Pereira Jeronimo, ba jornalista iha salaun Maria Gorette, SEII Kaikoli Dili.
Governante ne’e argumenta, kauza husi liberdade espresaun maka seidauk loos katak buat hotu-hotu livre, maibé demokrasia iha mos limitasaun no iha regra balun atu banati tuir.
Francisco dehan, relasiona ho jornalista privadu sira ne’ebe labele vota livre iha ELPAR, nun’e mídia estatál maka halo antena tomak iha fatin hotu-hotu, no lei la hateten atu mídia privaudu sira atu vota livre, maibe bele halo kobertura iha fatin parelelu ne’ebe hela ba.
“Primeiru hanesan ne’e , ita nia lei iha tiha ona agora ita atu halo nusa lei ne’e iha ne’eba ko’alia kona-ba obrigatoriamente media estatál ne’e nia iha obrigasaun fo antena tomak ba partidu sira hotu, tan ne’e sira nia sirkulasaun tenki halo serbisu ida ne’e entaun sira halo sirkulasaun ba iha Timor laran tomak atu bele halo kobertura tamba ida ne’e lei maka fo mandatu ne’e ba sira, agora lei la hatete iha ne’eba kona-ba mídia privadu sira, maibé ami husu mídia privadu sira mos sei karik komprende malu ba de’it iha fatin ne’ebe ita boot sira iha bele ba vota i no mos halo kobertura se karik ida ne’e maka la akontese ha’u hanoin ida ne’e ha’u tenke ko’alia fila-fali ho STAE tanba ne’e kompeténsia STAE nian, ha’u hanesan ministru ami mak prepara la’os ami maka halo lei ida ne’e, maibé prepara lei sira ne’e iha kompeténsia estatál no mos STAE, STAE maka organiza entaun STAE maka tenke hatete buat ruma ba ita,” katak Jerónimo.
Estajiadu : Alsino da Costa Madeira
Editor : Agapito de Deus
