Lafaek News—Veteranu Lucas Colibere “Aiata” hatoo apresiasaun ba Prezidente Repúblika José Ramos Horta, ne’ebé promulga ona OJE 2023, montante Billiaun $2,16, maibé mandate governu hela de’it rohan no volume osan boot liu rezultadu ekonomia hakdasak no povu kontinua halerik, estrada, edukasaun no bee mos.
Veteranus Lucas Aiata hanesan mós veteranu nia perspektiva ba Orsamentu Jerál Estadu (OJE) ba tinan 2023 ne’ebe válidu to’o tinan ida tomak, tuir konstitusaun RDTL, dekretu lei no tuir regras Parlamentu Nasionál nian, husi dia 1 de Janeiru to’o 31 de dezembru sei afeta ba ezekusaun.
“Maibé Orsamentu agora promulga da-daun ne’e hela de’it metade rohan, se rohan governu ida ne’e tau tenke tau ida katak orsamentu ida ne’e katak osan ne’e so prevé de’it ba funasionariu públiku, emabixada no ema sira ne’e, bolsa da Mae fundus ba veteranus, tanba veteranus labele para tenke kontinua governu ida mai ne’e tenke la’o,” katak Lucas Colibere Aiata ba lafaek news iha eskritóriu lafaek news Bidau Lecidere Dili, Kinta (15/12/2022)
Luca argumenta, OJE 2023 tuir lolos iha de’it kapitál menor, hodi aluga uma ba fulan neen ga tinan ida nia laran prevé de’it ba sira, no kareta balun atu hodi bele uza, maibé kona-ba ba kapitál dezenvolvimentu ne’e labele, tanba tenke ezekuta durante tinan, ezemplu projetu estrada, bee mos no eletrisidade, edukasaun no seluk tan, kestaun mak governante sira labele focus on aba ezekusaun no sira tenke focus on aba sira nia partidu.
“Kona-ba kapitál dezenvolvimentu ne’e labele tanba o tenke orsamentu ba kapitál dezenvolvimentu ne’e Orsamentu ida ne’ebé tenke nia ezekuta ninia projetu ne’e durante tinan ida i sa projetu ida o bele hatene de’it halo estrada ida ne’e halo gedung ida ne’e halo office ida ka halo ida ne’e ne’e bele durante fulan lima ou fulan tolu imposivel,” Luca sublina.
tanba ne’e nia dehan, orsamentu ne’ebé aprova biliaun 2,16, bele ezekuta ka la’e? no osan husi 2021 no 2022 nian mós ezekuta ka lae, no to’o agora laiha relatoriu klaru husi oitavu governu.
“Tanba ne’e Orsamentu labele boot, no ha’u husu ba ita boot, mais ou menus Orsamentu ne’ebé aprova ne’e kuaze 2 Billoes, sira bele ezekuta ka lae, no osan sira uluk ne’e 2021 ninian 2022 ninian mós ezekuta ita la hatene nia relatóriu hanesan, i depois projetu físiku ne’e durante tinan ida tinan rua o bele halo hotu k alae,, agora fulan hira nia laran bele ka lae,” Lucas Aiata kestiona.
Lucas, relats tuir lei iha fulan fevereiru nia laran, Prezidente Repúblika sei dekreta eleisaun parlamentar 2023, signifika partidu polítikus hotu sira sei konsolida nia forsa polítika iha baze hodi hein kampana, no iha periodu kampaña imposivel membru governu sira halo servisu ministériu nian, sira sei la halo servisu tanba ida-idak ba hala’o servisu iha nia partidu ne’ebé nomeia nia sai membru governu.
“Ha’u nia hakarak osan ida nia montante boot hanesan ne’e tenke fo moris ba povu, labele ema uituan de’it mak goja osan ne’e, ita kria injustisa iha ita nia nasaun, balun kontente mas balun fali moris iha situasaun tristeja nia laran, ekonomia hakdasak, estrada at barak, bee mos laiha, no eletrisidade povu seidauk sente hotu, maibé osan biliaun 2,16 kedan atu halo saida,” Luca akresenta.
Jornalista : Aniceto Dias
Editor : Agapito de Deus
