Lafaek News–Ministra Saúde Odete Maria Freitas Belo hateten, dadaun ne’e iha Ministériu Saúde tau ona guia katak inan isin rua sira bele simu vasina astrazeneca no Sinovax, maibé médiku sira tenke halo konsulta didiak katak sira bele simu ka lae.
Iha ami nia guia ami tau iha neeba katak ita bele fó vasina ba inan isin rua sira, iha ema nia nasaun seluk sira fó vasina ba inan isin rua sira tanba, inan isin rua sira mós sai hanesan ema ne’ebé mak vulneravel tebes atu virus covid-19 nee bele kontamina sira,” dehan MS Odete Maria Freitas Belo, iha SAMES Kampu Alor Dili, Sesta (17/09/21).
Nia akresenta, sira tau prioridade liu ba inan isin rua sira ne’ebé mak servisu iha liña frente, liu-liu médiku sira ne’ebé servisu besik liu ba pasiente sira.
Ami ko’alia barak liu kona ba inan isin rua sira neebé mak servisu iha Lina Frente, liu-liu ba sira neebé mak servisu iha Ospital neebé besik liu ba iha pasiente sira, provizoriamente ami koalia barak liu kona ba ida nee,” informa Odete.
Enkuantu haree ba vasina ne’e forte oituan no iha guia ne’e mós hakerek iha nebá, maibé sira seidauk administra ona ba iha inan isin rua ruma, liu-liu ba sira ne’ebé servisu iha liña frente. Neduni a taka dalan mós ba inan isin rua sira ne’ebé mak laos servisu iha liña frente atu simu vasina.
Maibé iha ami nia guia ne’e iha, ami fó espesialmente ba inan isin rua hanesan parteira no infermeira sira ne’ebé mak servisu iha liña frente, se inan isin rua balu ne’ebé mak ami identifika sira prontu atu bele simu vasina, hau hanoin ida ne’e laiha problema, nune’e mós ba inan sira ne’ebé mak partu, hakotu nia.
Jornalista : Sandi Belo
Editora : Juvita dos Santos
