Lafaek News—Sekretáriu Estadu Asuntu Kombatentes Libertasaun Nasional (SEAKLN), Gil da Costa Monteiro ‘Oan Soru’, afirma estadu iha dever moral atu asegura veteranus sira, maibé teke tuir situasaun no regra.
“Automatikamente osan ne’e liu ba ha’u ata sai hanesan jestór ne’e hakarak ka lakohi atu fiskaliza atu hare’e osan ne’e aloka nia objetivu ne’e ba uma la’os ba kualker sasán, hanesan bai-bain dala ruma ha’u hatete ba ita boot sira komandante ida fo kilat musan ida ba nia soldadu, tanba nia hatene soldadu ne’e kasadór atu han na’an más too kartus hotu na’an laiha ne’e lei iha atu regulariza, ne’e regra ne’ebé ha’u hanoin ne’e normal,” katak Gil da Costa Monteiro ‘Oan Soru’ ba jornalista sira iha palasiu governu, kuarta, (11/11/2020).
“Benefisiariu ne’e oin metan ka mutin ne’e koiñese hotu kedas, ne’ebé la’os atu halo fali sosializasaun, hodi bainhira konvoka hotu ona mai tuir reuniaun iha salaun katedral ne’e koñese hotu kedas, atu ba buka tuir fali ne’e laiha, liu husi telefone bolu sira de’it mai mos bele, tanba ladun barak no merese duni estadu iha dever moral atu asegura,” nia informa.
Nune’e mós nia dehan, pur ezenplu sira balun idade 50 mai foin hola feto hahoris hela nia oan nain tolu haat aman mate tiha, entrega hela problema ida ba faluk no oan kiak sira hanesan komandante Samba Sembilan foin da-daun liu ba.
“Fazeadamente ida pur ida ita haree fo solusaun, maibé labele hanoin atu boron dala ida, tanba iha timor ne’e hamutuk 1 ital la’os ema maka veteranu, tanba ne’e veteranus ne’e nian naran kombatentes veteranus libertasaun nasional, ne’ebé nia rasik mos ezije buat balun ba nia direitu, maibé nia rasik mós sente respondabilidade katak saida mak kombatentes,” afirma Oan Soru.
Antes ne’e mós liu husi reuniaun konsellu ministru iha loron kuarta feira, 28/10/2020, aprova projetu Dekretu Governu kona-ba regulamentu apoiu finanseiru ne’ebé atribui ona ba kombatente veteranu libertasaun nasionál ida-idak, ne’ebé dezmobiliza husi tinan 20 to’o 24 luta ba fin abitasaun nian.
Jornalista : Pedro de Alemida
Editora : Nelya Barros
