Lafaek News—Nilton Ruipe da Silva Ximenes, husi munisípiu Vikeke, Posto administrativu Ossu, hanesan estudante eskola iha Ensino Sekundaria Jerál Nicolao Lobato Tasi-Tolu ho idade ki’ik ne’ebé iha kreatividade no matenek hodi buka rasik osan atu selu eskola no responde nesesidade moris lor–loron.
Nilton hatene fahe tempu eskola no buka osan liu husi fan plástiku, Vikeke-oan ne’e hateten nia rasik mak hakarak buka osan hodi selu eskoka, osan selu mirkolete no presiza lor-loron nian, tanba hela do’ok husi inan-aman no nia mos lakohi atu garantia de’it ba nia inan-aman ne’ebé do’ok husi nia.
“Ha’u fa’an plástiku ne’e lor-loron maibé iha tempu loraik de’it, tanba dader ne’e ha’u tenke ba eskola, plástiku ne’ebé ha’u fa’an nia folin la hanesan balun nia folin 0.50 sentavos no balun $1.25 no plástiku ne’ebé ha’u fa’an la’os ha’u nian, maibé ha’u fa’an fali ema nian no fa’an to’o loron rua mak hetan US 100 dollar ha’u tenke ba stor no ha’u sei simu fali US 15 dollar, osan ne’ebé mak ha’u hetan ha’u mesak mak uza ba ha’u nia eskola no presiza lor-loron nian no balun tau kofre,” Dehan Nilton ba Lafaek News iha Kampu Baru Dili, Kuarta (07/09/2022).
Nilton hatutan katak atividade ne’ebé nia halao foin fulan 8 no atividade ne’e nia hala’o iha loraik – loraik de’it tanba dadersan nia tenke ba eskola .
“Osan ne’e ha’u rasik mak uza tanba ha’u lakoi atu depende de’it ba inan aman tanba ha’u mos iha maun alin nain lima (5),ami hamutuk nain neen (6) ,feto haat (4) no mane rua (2) no ami nain ha’at mak eskola no ha’u nu’udar oan daruak husi maun alin nain neen no ha’u hela do’ok husi sira no ha’u lakoi atu lakon konfiansa atu buka osan iha ema barak nia oin maske iha loron laran kosar maibé ha’u forsa hodi halao negosio ne’ebé mak agora dadauk halao hela,”katak Nilton.
Bainhira dada lia ikus entre Nilton ho Jornalista lafaek news, Nilton fo hanoin ba maluk estudante no maluk joven sira ne’ebé namkari iha Timor-laran tomak labele lakon konfiansa no labele lakon esperansa atu halo bu’at ne’ebé bele halo no labele moe atu halo negósio ho idade ne’ebé mak sei nurak.
Estajiada: Aldina Guterres
Editor : Agapito de Deus
