Lafaek News—Neldino Guterres Gama ho idade 15 husi aldeia kuluhun, suku bekora, postu-administrativu Cristu Rei, Munisípiu Dili, halo negosiu husi fa’an has hodi sustenta eskola no ajuda mós nesesidade uma laran.
Neldino Guteres Gama konta maun alin iha uma laran hamutuk nain ualu kompostu husi feto haat no mane haat, nu’udar ema agrikultor nia oan, aman Julio de Souza Gama halo atividade peskador no inan Juliana Filipe ajuda oan sira nia atividade fa’an has iha eskola.
Neldino dadaun hala’o nia esudu iha eskola Baziku Central Akadiru Hun (EBC) tur iha klasse Nono anu (9) maibé fasilidade hanesan kadernu, lapis, lapizeira, sapatu inklui farda menus, tanba ne’e deside ajuda inan-aman halo atividade negosiu fa’an has hodi sosa rasik.
Iha realidade moris ida ne’e Neldino jere nia tempu dader ba eskola iha parte loraik nia ba fa’an has iha dili laran liliu iha jardin 05 de maio no largo, dala ruma mós lori ba fa’an iha eskola.
Ha’u ajuda apa ho ama liu husi fa’an has, dadersan ha’u ba tiha eskola sai mai mak ama haruka ha’u ba fa’an depois apa ho ama la serbisu hotu sira iha uma deit agora ha’u fokus ba eskola no fa’an has depois sai eskola máka ba fa’an has aban, dadersan hanesan nee ama haruka ami ba fali eskola,” dehan Neldino ba Lafaek news iha Jardim 5 de Maiu foin lalais ne’e.
Nia dehan has ne’ebé fa’an sosa tutan husi ema seluk karon ida dollar $10, máka mai kua tau iha palstiku laran fa’an fila fali, kada palstiku ida sentavus $0.10 to’o $0.25.
Has ne’e ami mós hola tutan deit depois mak ami kua fa’an fila fali, hanesan ama (Juliana Filipe) kua no falun tiha has ne’e iha plastiku mak ami lori sai ba fa’an haleu Dili laran to’o loraik hetan to’o dollar $7.00,” nia esplika.
Iha intervista ida ne’e nia dehan, uluk seidauk fa’an has senti moris iha difisil nia laran tanba esforsu inan-aman nia lanaton atu responde ba oan sira nia estudu inklui nesesidade loro-loron nian, maibé fa’an tiha has bele sosa rasik material eskola nian.Uluk ne’e araska tebes tanba osan uituan iha hola deit hahan entaun atu sosa kadernu mós laiha, maibé agora sente halo kamaan ona apa ho ama tanba husi fa’an has ne’e ha’u bele sosa rasik kadernu, lapis, sapatu, foto kopy balun hare’e ba nesesidade uma laran nian,” nia imforma.
Nune’e mós nia imforma, moris iha dili la’os fasil se wainhira depende deit ba inan-aman, maske sente la’o dook hamrok no hamala maibé lasente kolen, tanba beibeik ona halo atividade ida ne’e kapital Dili.
Enkuantu iha observasaun jornalista lafaek news hare’e katak Neldino fa’an has la’o iha fatin públiku la senti moe no kotinua hakat ba nafatin, no ema barak máka sosa has ne’ebé nia fa’an iha jardin 05 de maio to’o has hela uituan iha toples laran.
Jornalista : Joni Mau Risa.
Asisten Editór : Pedro de Almeida
