Lafaek News (Manatutu)-Nicolau Lobato ema hotu hatene nu’udar Prezidente Repúblika segundu nian hafoin Francisco Xavier do Amaral kapturadu ho titulu traidor hasoru obra ne’ebé nia rasik funda husi ASDT transforma ba FRETILIN atu luta ba ukun rasik an husi 1974-1975 liuba, partidu hotu uza naran Nicolau hodi hala’o mensajen politika iha palku maibé lider famozu ne’e nia rain rasik laiha ema ida mak rekonese hanesan nia naran be morin lemorai.
Dezde Prezidente Repúblika Nicolau Lobato monu iha batailla inimigu nia oin, aswain lutador ida-idak namkari iha territoriu nasional hodi abrigu an ba sira nia moris, no sira lakon esperansa katak komandante Nico mate ona se mak atu sai tan komandante hanesan Nico hodi kontinua funu, maibe teki-teki mosu ema Manatutu oan ida hamriik kedan iha Xavier ho Nicolao ninia fatin hodi kontinua organiza obra ne’e halibur hikas aswain lutador sira ne’ebe namkari lem-lemo iha territoriu Timor hodi konsolida forsa hamutuk hanoin ida, laran ida, vizaun ida no misaun ida katak mate ka moris ukun rasik an tuir liafuan saudozu Nicolau Lobato nian.
Manatutu oan ne’ebé lidera hikas funu ne’e ba oin mak Kay Rala Xanana Gusmao too hakotu funu, ema hotu goja liberdade, moris di’ak no sempre lori Nicolau Lobato nia naran hodi hanaran an katak nia ema ida ne’ebe uluk hamutuk mós ho Nicolau Lobato, bainhira iha tempu kampania politika Nicolau Lobato nia naran morin lemo-lemo iha palku leten, maibé la buka tuir Nicolau nia moris fatin no nia familia sira iha ne’ebe?, buat hotu falun hanoin lakon afinal Nicolau Lobato nia ran fakar fatin duut falun metin hanesan nia maluk sira ne’ebé politika falun metin fasil temi nia naran, maibe susar atu buka Nicolao nia moris fatin iha ne’ebe? maibé Nicolau nia klamar moris no fanun fali nia belun di’ak José Ramos Horta hodi ba sama netin ain iha Nicolau Lobato nia ran fakar fatin Soibada.
Iha Vizita ne’e, Horta optimista ba futuru sei hadia atu sai fatin kulturál no spirituál hodi fó onra bá primeiru Prezidente Repúblika 1975.
Nicolau Lobato ita nunka haluha iha ita nia istória, ita harii ona monumentu iha rotunda Comoro (Dili), fatin sagradu ida tan mak iha nia moris, iha ne’e mós ita sei hari fatin kulturál no spiritual hodi fo ónra,’’ belun di’ak husi Nicolao Lobato, José Ramos-Horta, hafoin vizita fatin moris Nicolau ho nia família iha Soibada, Munisípiu Manatutu, Kinta ne’e, (07/04/2022).
Iha tempu hanesan, reprezentante família mós espresa, ‘’fatin ne’e ema la rekoñese, ne’e Nicolau no nia família nia moris fatin, tempu funu ema barak halai mai subar iha ne’e, agora ailaran, du’ut nakonu,’’ Tiun husi Nicolau Lobato, José Felíx haktuir.
Akompaña Horta iha vizita ne’e, alin husi Nicolau Lobato, Fundadór FALINTIL, Rogerio Tiago Lobato no família hamutuk ho militante no simpatizante kandidatu nian.
Antes ne’e, iha tinan kotuk, iha fatin hanesan, Líder nasionál nu’udár saseluk Nicolau Lobato iha komandu luta, Kay Rala Xanana Gusmão vizita uluk ona no Oan-mane saudozu Nicolau, José Lobato ne’ebé akompaña vizita ne’e, husu ona deskulpa no promete sei hadia fatin refere.
Iha oservasaun Lafaek News iha terrenu, fatin saudozu Nicolau Lobato nia ran fakar fatim nakonu no duut laran maske hafutar ho bandeira FRETILIN.
Jornalista : Agapito de Deus
Editor : Floriano Soares
