Lafaek News—Ministériu Turismu Ambiente no Institutu Nasional Estatistika Timor-Leste INETL halo survey ba fatin Turizmu hanesan hotelaria hodi hadi’ak ambiente hodi atrai visitantes estranjeirus.
Iha Fatin Diretor Geral do Ambiente, (DGA), Francisco Savier Fatima Soares afirma katak, rezultadu survey ba akomodasaun tinan 2024 ne’ebe ekipa halo survey durante semana ida hamutuk 70 ho kama hamutuk 2.147, tanbe ne’e ekipa halo survey seidauk to iha numeru ne’ebe as liu ba visitante sira ne’ebe mai visita Timor Leste.
“Rezultadu aprezentasaun survey akomodasaun tinan 2024 nian ita ohin apresenta ho ekipa ne’ebe hala’o ona survey durante semana ida resin rezultadu husi akomodasaun ne’ebe iha total akomudasaun ne’e ita iha 70 akomodasaun ho kama karik iha 2.147 kama ne’e rezultadu ne’ebe ohin ita ekipa ne’e halo hatudu katak ita ninia komprensaun seidauk iha barak seidauk iha numeru ne’ebe bele korespondente bainhira ita hetan visitante ho numeru ne’ebe as liu sempre mai ho numeru 3 mil ita ninia akomudasaun ne’e la sufisiente atu simu sira” Dehan Diretor Geral Ambiente, Francisco Savier iha Timor Plaza, Kuarta (09/10/2024)
Haktuir Francisco Xavier (DGA), rezultadu survey fo informasaun ba sira ne’ebe loke Hotel hodi halo di’ak ba fasilidade parkiran kareta ho motor hodi atrai vizitante sira bainhira halo vizita Timor Leste bele sente ambiente furak.
“Ha’u hanoin ho rezultadu survey ida ne’e ita iha informasaun bele hato’o ba parte sira interesante sira liu-liu sira ne’ebe loke sira ninia hotel para sira bele hadi’ak liu tan sira nia fasilidade liu-liu fasilidade ba para kareta nian no para motor ga nune’e bele atrai di’ak liu tan ho fasilidade ne’ebe ke di’ak bele atrai liu tan ita ninia visitante para ba sira nia Fatin” Nia afirma
Iha Sorin seluk Institutu Nasional Estatistika Timor-leste (INETL) Ministériu Finansas, Elias dos Santos Ferreira, argumenta katak, asina nota entendimentu ba kooperasaun Ministériu Turismo kona-ba dadus survey nian ne’ebe durante ekipa husi Ministériu Turismo Ambiente halo hodi kria kondisaun ba visitante sira ne’ebe hakarak mai visita Timor Leste ida ne’e
Rezultadu survey ida ne’e objetivu hodi halo kooperasaun, tan ne’e iha Oitavu Governu halo akordu ho Ministériu Turismo no Komérsiu Ambiente Indústria (MTCAI) tanba iha IX halo akordu ho Ministru Turizmu no Ambiente hodi haree liu ba dadus no ko’alia kona-ba dijitalizasaun nune’e fo apoiu kambiantoi.
“Objetivu servisu hamutuk portantu hakarak informa iha ne’e iha oitavu governu ami akordu inflementu entre MTCAI uluk ne’e Ministériu Turismo Comersiu no Ambiente muda fali ba fatin rua entaun fulan 3 liu ba ami asina MoU MCI ohin ami asina akordu ho Ministériu Turismu no Ambiente portantu akordu ne’e importantame atu haree dadus ne’ebé iha liu-liu ba ita agora ko’alia ba dijitalizasaun, tan ne’e ohin sira aprezenta ami apoiu ekipamentus kambiantoi ami hateten ida ne’ebe bele apoiu liu-liu ba hare dadus administrativu Ministériu Turizmu nian atu bele kombina hodi publika bele hatene, más dadus ita la publika ita labele hatene buat ida,”nia haktuir
Jornalista : Aniceto Dias
Editor. : Agapito de Deus
