Lafaek New—Programa Nasional Dezenvolvimentu Suku (PNDS), entrega sede suku Villa-Verde ba Xefe Suku hodi utiliza atende komunidade iha nesesidade administrasaun nian.
“Husu ba Nai Xefe suku ho estrutura tomak utiliza fatin ne’e no sasan ho diak no responsabilidade atu bele hodi atendimentu ba ita nia populasaun suku Vila Verde nian,”Sekretariu PNDS, Amándio Paulino, ba jornalista sira iha ámbitu inagurasaun sede suku Vila-Verde iha Matadouro 10/10/2024.
Sede suku ne’e PNDS rehabilita atu fasilita lideransa komunitaria ho nia autoridade local sira uza hodi atende povu tuir nesesidade administrasaun intermus dokumentus no seluk hanesan mahon ba komunidade suku Vila-Verde.
“Patrimoniu estadu ne’ebé iha imi nia sorin ne’e la’os estadu nian, maibé imi nian atu utiliza, tan ne’e ita tenke tau matan no uza didi’ak ho responsabilidade,” dehan Sekretáriu PNDS.
Hafoin inagurasaun, Xefe Suku Villa Verde, Abdul Mancoli Arranhado sente kontente tanba iha nia mandatu antes ne’e fasilidade la kompletu, maibé tinan ne’e rekonstrusaun sede mai ho nia ekipamentus kompletu.
“Ha’u nu’udar lideransa komunitariu iha suku Vila Verde lori komunidade nia naran, ami sente kontente no simu sede ne’e ho liman rua tamba hau re-eleitu ba dala tolu ona maibe material la kompletu, agora sede foun fali ona ho fasilidade kompletu kedas,” dehan Xefe suku.
Abdul sublina, rekonstrusaun ba sede suku ne’e durasaun fulan 3 de’it ( loron 120), servisu hosi kompaña unidade mak kaer maibe hanesan fornesedor de’it ho material.
Entretantu, orsamentu ba rehabilitasaun sede refere montante Dolar Amerikanu Rihun Sanulu Resin Rua ($12.000.00 ), maibe ba foti de’it rihun sanulu resin ida, Atus Sia Lima Nulu (11.950.00), osan ne’e suku mak jere, iha banku ba ho pedidu mak foti hodi ezekuta hotu restu sosa kadeira no meza entaun osan restu laiha atu ba fali kofre estadu.
Suku Vila Verde nia aldeia sia (9) ho nia numeru populasaun hamutuk rihun sanulu resin lima, atus neen haat nulu resin ida (15.641)
Jornalista: Ekipa Lafaek News.
