Lafaek News–Komunidade sira iha Suku Kova Postu administrativu Balibo Munisípiu Bobonaru tauk atu simu vasina, tanba seidauk hatene vantajen ho desvantajen husi vasina
Pesoal Suku Kova Cipriano Noronha informa, iha nia parte husu ba ministeriu saude atu organiza pesoal saude sira hodi mai halo sosializasaun iha Suku Kova nunee Komunidade sira bele simu hotu vasina.
“Ema ne’ebé simu Vasina iha Suku Kova nee hamtuk Porsentu lima ne’e ita sura seguransa no autoridade lokal suku sira, Bainhira atu halo vasina ba Komunidade sira iha nee hau sujere ministeriu saude halo uluk sosializasaun ba komunidade sira nunee komunidade sira bele hatene Vasinasaun ninia efetivu no la bele tauk atu simu vasina,” dehan Cipriano ba Jornalista iha Railuli Bobonaru, segunda 02/08/2021.
Pesoal Suku ne’e afirma, Komunidade sira iha suku Kova kompostu husi aldeia lima ne’e la fiar bainhira xefe aldeia sira hatutan Ministériu Saúde nia lian kona-ba vasinasaun nian.
“Bainhira Xefe aldeia sira hatutan ministeriu saude nia lia ba komunidade sira maibe komunidade sira la fiar tanba komunidade sira dehan “ita boot laos doutor neebe la bele ko’alia konaba vasina nian mai ami,” tanba nee husu ba parte saude atu halo uluk sosializasaun antes komunidade sira simu vasina,” nia Konta.
Cipriano Noronha hatete, suku Kova kompostu husi aldeia lima maibe postu saude ida deit ho ida ne’e nia sente preokupa tanba aldeia Railuli atu ba postu Saúde tenke lao too kilometru 4 ka lima hanesan ne’e mak foin too postu saude entaun ba ema moras no ema isin rua sira susar tebes atu halo tratamentu tanba distánsia dook.
Jornalista : Orlando Magno
Edit or : Agapito de Deus
