NOTÍSIA JERÁL · 24 Feb 2021 04:26 ·

Molok Asina Deklarasaun Tenke Hatene Kanta Inu-Nasionál


Molok Asina Deklarasaun Tenke Hatene Kanta Inu-Nasionál Perbesar

Lafaek News—Xefe suku Madohi, postu administrativu Dom Aleixo, munisípiu Dili, Bernadino Cristo Ferreira, obriga nia populasaun liu-liu joven sira ne’ebé atu trata dokumentu no foti deklarasaun suku ba dahuluk tenke kanta Inu- nasionál Patria-Patria, hafoin xefe suku bele asina.

“Ha’u asina tiha fo tempu ba sira kanta patria patria, sira lahatene ha’u hanorin no obriga sira para hatene, se sedauk hatene ba aprende hakarak ka lakhoi mai fali kanta, sira ne’ebé la asesu ba edukasaun mós obriga kanta, ha’u mós sei buka maneira ida atu loke kursu sidadania hodi korajen komunidade sira,” dehan Bernardino de Cristo Ferreira,  ba lafaek news, hafoin atendementu ba komunidade iha nia kna’ar fatin, tersa semana ne’e.

Xefe suku Madohi ne’e informa, edukasaun sívika ne’e importante ba sidadaun ida atu transfoma nia mundu maka nasaun no nia moris, tanba ne’e obriga sira tenke kanta patria-patria, tanba programa ne’e hahú dezde nia mandatu to’o ohin loron nune’e sidadaun ida presiza hatene inu- nasionál no mós istória Timor nian.

“Maneira ida ne’e ha’u nia mandatu hahú tiha ona, para sira garante katak sidadaun timor duni, kuandu la sívika ita nia aan maka desizaun agora sai hanesan ne’e, maun Xanana di’ak, maun Lú Olo di’ak ita povu hela ho naran de’it, tan ne’e maka ha’u presiza eduka,” dehan xefe suku.

Iha fatin hanesan, Caetano da Crus Silva, nu’udar estudante eskola sekundáriu Finantil, hateten molok atu foti deklarasaun ka asina dokumentus ruma xefe suku sempre obriga estudante no joven hotu-hotu tenke kanta patria-patria.

“Molok atu foti deklarasaun, xefe suku haruka ami kanta, husu tanba sa haruka kanta, ita ema nu’udar Timor oan tenke hatene inu- nasionál patria patria,” hatete Caetano da Crus.

Suku Madohi iha aldeia ualu (8), kompostu husi Anin-Fuik, Beto-Tasi, Beto-Leste, Loron-Matan, Naroman, 7 Dezembru, Rosário Terra-Santa, ho  populasaun hamutuk 4.310.

Jornalista : Pedro de Almeida

Editora      : Nelya Barros

1,780 Views
Artikel ini telah dibaca 40 kali

badge-check

Editor

Baca Lainnya

Guarda Floresta Foun Hamutuk 807 Sei Asina Kontratu Asegura Ailaran

1 April 2024 - 15:41

Uma Kain 72 Hetan Estragus Hosi Dezastre Naturais iha Semana Ne’e

25 March 2024 - 17:21

CVTL Ensera Treinamentu Primeira Sokorru Durante Loron 3 Ba Jornalista TL

24 March 2024 - 13:28

Xefe Suku Komoro Ho Komunidade Limpeza Merkadu

3 March 2024 - 09:17

CNC Asina Nota Entendimentu ho Asosiasaun Profissionais Psikolojia Timor-Leste

29 February 2024 - 08:58

LH Rezeita Adezaun ba WTO, Presiza Proteje no Promove Ekonomia Rai Laran

27 February 2024 - 17:11

Trending di NOTÍSIA JERÁL