Lafaek News–Medicina iha mundu labele salva Jornalista senior saudozo Max Stahl husi nia moris, kauza husi kankru ne’ebé infiltra iha kakorok, susar dada iis ikus hakotu nia peregrinasaun ospital Brisbane Austrália.
Iha konferensia imprensa, kinta (28/10/2021), iha eskritoriu Max Stahl Benfika Kolmera, Jose Ramos Horta, hateten nia parte labele vizita saudozu Max Stahl, tanba Austrália taka nian nasaun ho pandemia covid-19 nune’e ema husi liur labele viajen.
Max Stahl nu’udar autor filme hahu husi rezistensia juventude loriku aswain iha 1991 ne’ebé prega ho naran nasional 12 de Novembru, no kontinua ba 1999, povu Timor Leste konese saudozu Max Stahl ne’ebé dedika an ba apoiu luta Timor Leste nian too hetan ukun rasik an.
Max mak mate, maibé ita manan eransa, Dehan Ramos hafoin halo komunikadu Imprensa iha Sentro Audiovisual Max Stahl Timor Leste.
Tanba ne’e, eis Prezidente Repúblika (II), José Ramos Horta nian hanoin governu iha dever moral apoiu familia saudozu Max Stahl, maibé seidauk iha komunikasaun ho familia matebian.
Ha’u alerta ba PM Max Stahl nia saúde krítiku,seidauk iha komunikasaun ho familia Max, Max nia mate sei halo hanesan ho saudozu sira seluk,’’ katak Jose Ramos Horta.
Horta rekomenda governu tenke kria instituisaun autonoma ba sentru Audio visual iha Timor, Max nia obra iha franca no Portugal no iha armajen digitá.
Ramos informa ona ba Fidelis Magalhaes, maibé governus dehan halo ona preparasaun hodi hein familia Max nia desizaun atu lori mate isin mai Timor Leste, maibé ne’e depende ba familia.
Jornalista : Acacio Pinto
Editór : Agapito de Deus
