Lafaek News– kinta (28/10/2021), tuku 5 loraik eletrisidade lakan-mate iha diresaun Balide edefisiu CNC, hafoin Eis Prezidente Repúblika (II), premiadu Nobel ba Paz, Jose Ramos Horta, hala’o nia diskursu iha seromonia atribuisaun premiu ho Mana Maria Gorreti Joaquim, maibé partispante sira preukupadu tanba eletrisidade mate-lakan kada minutu.
Iha diskursu José Ramos Horta partisipante sira la konsege rona ho di’ak no la kompriende asuntu importante ne’ebé premiadu nobel ba paz ne’e ko’alia, tanba eletrisidade mate-lakan kada minutu iha seromonia, maske nune’e eis Prezidente Repúblika ne’e kontinua diskursu ba partisipante sira.
Objetivu husi serimonia ne’e importante tebes, tanba iha konviadus VIP sira inklui ajensia parseiru ho CNC kompostu rai-laran no rai liur, no eventu ne’e hetan transmisaun husi TV Edukasaun Timor, tanba tinan ida ne’e nudar tinan daruak ba atribuisaun prémiu Jornalizmu ba Paz Mana Gorreti Joaquim iha edefisiu CNC Balide Dili.
Observasaun lafaek news, partisipasaun iha eventu atribuisaun prémeiu ba tinan daruak ne’e, marka prezensa husi reprezentante Prezidente Repúblika, Francisco Guterres Lú Olo husi Xefe Casa Sivil Francisco Maria Vasconcelos, brigadeiru jeneral Falur Rate Laek, eis Prezidente Repúblika (II), premiadu Nobel ba Paz José Ramos Horta, vise Ministru Negósiu Estranjeiru no kooperasaun (MNEK) Juliao da Silva, Vise Primeiru Ministra no MSSI, Armada Berta, no seremonia abertura husi padre Juvito do Rego.
Jornalista : Azelio da Cruz
Editór : Agapito de Deus
