Lafaek News–Matebian Valdo Sila nia kaben Ameliana Tilo haktuir, karik matebian subar problema ruma la hateten sai, no husu atu ba hemu tua, nune’e hanoin ba hemu tua duni derepente iha dader komunidade sira espaila informasaun katak ema ida tara an iha ai leten oin hanesan Ameliana nia kaben.https://lafaeknews.tl/fukun-lolos-ba-valdo-tara-an-sei-misterius/
Matebian nia kaben Amekiana konta tuir katak, hori kalan tuku 01:00 AM, matebian husu nia fen atu ba hemu tua iha fatin balun hanesan baibain, entaun Ameliana hanesan matebian nia fen resposta ba matebian katak, bele ba, mak ne’e fila sedu, rona tiha liafuan ne’e husi nia fen matebiaun mos hakat da-daun sai husi odamatan ba liur, maibé isin lolon la fila husi hemu tua ne’e, iha dadeer loron matan nakloke dader nian Ameliana simu kedan novidade husi komunidade sira katak ba haree tok ema ida tara an hela iha ai leten hanesan o nia katuas oan.
Ohin dader tuku 06 ema balun dehan ba konhese took ema ida tara aan neeba, rona novidade ida ne’e ha’u hakbesik aan ba iha fatin akontesimentu ha’u hakfodak no hamonu mataben tanba ha’u nia laen maka tara aan,” dehan Valdo nia Espoza ba lafaek news iha HNGV Bidau Dili, Kuarta 20/04/2022.
Ameliana, hori kalan tuku 08 Valdo han hamutuk ho nia kaben Ameliana depois sira ko’alia halo kómiku hanesan bai-bain, maibé ferik oan la hatene Valdo nia hanoin atu hakotu vida ho tali, tanba matebian la konta problema saida maka mosu hela iha nia laran.
Durante ne’e matebian hanesan negosiante ambulante pentolan dudu gerobak haleu Dili laran no mos prenxe tempu balu hodi hala’o servisu badaen enkuantu ema ruma presiza.
Ami laiha problema iha uma laran, maibé ninia problema mak iha karik ha’u la hatene tanba nia la konta sai mai hau, maibé ita hotu la espera tanba destinu mak nune’e hodi hatudu realidade mai ita hotu,” nia konta.
Matebian Valdo Sila orijen husi rejiaun administrativu Oekuse Ambeno Postu administrativu Nítibe suku Taiboko aladeia Bebu, no matebian nia kaben Ameliana Tilo idade 15 orijen husi Rejiaun Oe-kuse postu administrativu Pante Makasar.
Informasaun ne’ebé Jornalista Lafaek News asesu kona-ba atu submete ba prosesu autopsia seidauk hatene klaru tanba familia sira sei halo diskusaun baihira aseita malu hafoin entrega mate isin hodi hala’o autopsia.
Jornalista : Orlando Magno
Editor : Agapito de Deus
