Lafaek News–Kandidatu Prezidente Repúblika periodu 2022-2027 Francisco Guterres Lú Olo deklara, bainhira reasume Prezidente Repúblika simplesmemte atu bele sai hanesan xefe estadu hanesan guiaun Konstituisaun RDTL , garante normál funsionámentu instituisoens no sai hanesan mos simbolu da unidade Timor-Leste.
Sai Prezidente Repúblika simplesmemte atu bele sai hanesan xefi estadu hanesan guiaun Konstituisaun RDTL atu bele garante normál funsionámentu institusoens ninia no sai hanesan mos simbolu da unidade Timor-Leste ninian”, deklara Kandidatu Presidente Repúblika periodu 2022-2027 Francisco Guterres Lù Olo iha serimónia inagurasaun Sede kampaña Salaun Luz Clarita Segunda (28/02/2022).
Tuir kandidatu Lú Olo katak, intende pensamentu FRETILIN ninian, ha’u kompriende sasan sira ne’e atu bele sai Presidente Repúblika periodu 2022-2027, Maibé iha konsiensia katak bainhira sai Presidente Repúblika iha rai ki’ik oan hanesan Timor-Leste nian, sei la fasil maibé bele dehan ho honestidade tomak prontu atu hasoru dezafiu saida de’it, dezafiu mosu barak durante ha’u nia mandatu, ne’ebé terik netik ita dalan, maibe ha’u nudar Prezidente Repúblika la hakfodak ba dezafiu sira ne’e, bainhra liu husi dezafiu mak sai desemperadu liután atu hakat ba oin”, tenik Kandidatu Lú Olo.
Iha Fatin hanesan Sekretáriu Jeral partidu Frente Revolusionario Timor-Leste Independente( FRETILIN) agrumenta, apoia kandidatu Lú Olo, signifika tempu baze iha tinan 5, hanesan PR ne’ebé mak fo konfiansa tomak, transmite konfiansa ba povu, konfiansa bainhira foti desizaun hateke de’it ba lei no konstituisaun RDTL rasik.
Ha’u hare ba lista organizasaun oin-oin numero 26 kedas mak mak apoia ita nia kandidatu Lú Olo, signigika tempu baze iha tinan 5 Lú Olo hanesan PR ne’ebé mak fo konfiansa tomak, transmisi konfiansa ba povu ida ne’ebé halerik tempu naruk demais ona, Konfiansa bainhira foti desizaun hateke deit ba Lei no Konstituisaun RDTL rasik”, dehan Sekretariu Jerál partidu FRETILIN Marí Alkatiri iha intervensaun.
Representante ema ho difisiensia Frelino Hornai deklara nafatin fo apaoiu ba PR,hanesan sosiedade sivíl ida, aprosimasaun ba ema ho difisiensia, Rekomendasaun bele ratifika konvensoens sira ne’ebé mak ema ho difisiensia durante ne’e, ba infraestrutura ne’ebé la asesivel no sensivel ba ema ho difisiensia.
Hanesan sosiedade sivíl ida, aprosimasaun ba ema ho difisiensia, rekomendasaun atu bele ratifika konvensoens sira ne’ebé mak ema ho difisiensia durante ne’e no mos ba infraestrutura ne’ebé la asesivel no sensivel ba ema ho difisiensia”, dehan representante Difisiensia Frelino Hornai iha hotel luz Clarita.
Tuir Difisiensia ne’e katak, apresia Lú Olo durante ne’e kumpri Konstituisaun RDTL,no orientassaun husi Konstituisaun Rekomendasaun atu bele ratifika konvensoen apresia kumpri konstituisaun Repúblika Demokrátika Timor-Leste (RDTL).
Serimonia inagurasaun Sede kampañia kandidatu Prezidente Repúblika Francisco Guterres Lù Olo ne’e partisipa husi Sekretáriu Jeral partidu FRETILIN, no estrutura partidu FRETILIN tomak, Presidente Parlamentu Nasionál,Representante partidu PUDD, PLP,partidu os Verdes, partidu PLP, Organizasaun OPMT, Representante partidu KHUNTO.
Jornalista : Rita Moniz
Editór : Agapito de Deus
