Lafaek News--Prezidente Repúblika, Francisco Guterres Lú Olo, liuhusi Dekretu Prezidente Repúblika númeru 4/2022, 28 Janeiru, 5/2022 no 6/2022, ezonera Tenente Jenerál Lere Anan Timur husi kargu Xefe Estadu- Maior-Jenerál Lere Anan Timur, promove Major-Jeneral Domingos Raul Falur Rate Laek ba postu Tenente-Jenerál no nomea Tenente Jenerál Falur Rate Laek ba kargu Xefe Estadu-Maior-Jeneral Forsas Armadas.
Xefe estadu Francisco Guterres Lú Olo deklara asuntu ne’e liu husi komunikandu imprensa media Prezidente Repúblika sexta 28/01/2022, katak Lere Anan Timur ezoneradu husi kargu Xefe Estadu Maior Jeneral Forsas Armdas avansa hodi kompete ba eleisaun prezidensial periodu 2022-2027.
Prezidente Repúblika, Francisco Guterres Lú Olo, liuhusi Dekretu Prezidente Repúblika númeru 4/2022, 28 janeiru, 5/2022 no 6/2022, ezonera Tenente Jenerál Tito da Costa Cristovão Lere Anan Timur husi kargu Xefe Estadu- Maior-Jenerál Lere Anan Timur, promove Major-General Domingos Raul Falur Rate Laek ba postu Tenente-Jenerál no nomea Tenente Jenerál Falur Rate Laek ba kargu Xefe Estadu-Maior-Jeneral Forsas Armadas”‘ deklara Prezidente Repúblika Francisco Guterres Lú_olo liuhusi komunikandu media PR sexta 28/01/2022.
Xefe estadu afirma, iha 27 janeiru, PR rona hanoin sira husi Konsellu Superior Defeza no Seguransa kona-ba ezonerasaun no nomeasaun, tuir artigu 86 alinea m) Konstituisaun RDTL dekreta ezonerasaun Tenente-Jenerál Lere Anan Timur husi nia kargu Xefe Estadu-Maior-Jenerál Forsas Armadas no nomea Tenente Jenerál Falur Rate Laek ba kargu Xefe Estadu-Maior-Jenerál.
Ezonerasaun ba kargu Xefe Estadu Maior Jenerál Forsas Armadas no bazeia ba prosedimentus no kondisaun sira defini kona-ba promosaun altas xefias militares tuir Novo Estatutos Militares das FALINTIL-Forças de Defesa de Timor-Leste (F-FDTL) no tuir desizaun Konsellu Ministru ba promosaun Major-Jenerál Domingos Raul Falur Rate Laek, Prezidente Repúblika promove Falur Rate Laek ne’ebé ezerse kargu nu’udar Vise-Xefe Estado-Maior-Jenerál ba Tenente-Jeneral.
Entretantu, horseik PR rona hanoin husi membru Konsellu Superior Defeza no Seguransa kona-ba desizaun Konsellu Ministru iha 21 janeiru nian relasiona ho ezonerasaun, promosaun no nomeasaun altas xefias militares.
Jornalista : Rita Moniz
Editor : Agapito de Deus
