Lafaek News—Eis Prezidente Repúblika atual Prezidente Partidu FRETILIN, Francisco Guterres Lú Olo, hateten nia parte garante metin ho Plataforma pre-eleitoral ne’ebé partidu KHUNTO, PLP ho Fretilin asina ona mak sei kontinua manan hodi lidera governasaun foun.

Lú Olo hatoo asuntu ne’e hafoin hamutuk ho nia espoza ho oan nain rua Olokai ho Eldino hafoin ezerse direitu votu iha sentru votasaun Farol suku Motael, domingu (21/05/2023, hodi otimista PLP, KHUNTO ho FRETILIN sei kontinua forma governu foun hodi solusiona kiak ho mukit iha rai Timor Leste.

Lú Olo dehan tan, Plataforma ne’ebé partidu tolu PLP, KHUNTO ho FRETILIN ho forsa polítika ne’ebé ho forte hodi manan iha maioria hodi garante estabilidade, paz haromonia hodi lori dezenvolvimentu sustentavel ba povu Timor Leste.

“Plataforma ne’e garantia tanba asina ona, atu garantia ida ne’e, FRETILIN iha nia aliadu  iha nia pataforma ida asina akordo pre-eletoral ida ho PLP ho KHUNTO  no FRETILIN hakarak atu paz no Estabilidade  hametin  no bele haboot liu tan garantia dezenvolimentu,” ”  dehan Lú Olo

Iha fatin hanesan, Sekretariu Jeral partidu FRETILIN, Marí Alkatiri mos too iha sentru votasaun Fárol  iha tuku 8:20  hodi ejerse nia direitu votu, hafoin vota remata, nia hateten platafroma  kontinua ukun tanba agora mos ukun hela

“Plataforma mak sei kontinua ukun, tanba agora mos platafaforma mak ukun hela,”dehan Mari hafoin vota  iha Fárol.

Jornalista : Acacio Pinto

Editor       : Agapito de Deus