Lafaek News–Ministru Asuntu Parlamentares no Komunikasaun Sosiál (MAPKomS), Fransisco Martins da Costa Pereira Jerónimo informa, Timor-Leste hetan oportunidade di’ak ba trofeu kopa mundiál nian ne’ebé sei lori mai Timor-Leste iha loron 10 fulan juñu 2022.
Ha’u informa iha PM katak iha notisia di’ak ba Timor-Leste ne’ebé mai husi Prezidente FIFA, nia informa mai ha’u katak iha loron 10 juñu trofeu kopa mundiál ne’ebé mak ema hotu-hotu gosta, tinan ne’e kopa mundiál realiza iha Qatar maibé trofeu ne’e sei lori mai Timor-Leste iha loron 10 juñu to’o iha ne’e 10 horas avian sei semo husi Qatar mai to’o iha ne’e depois sei fila fali ba ilha ida iha Australia depois fila ona ba FIFA,”
Ministru ne’e dehan, ne’e duni oportunidade di’ak ida ba iha área ida ne’e, tanba iha oportunidade ba komunidade ka ema hotu-hotu ne’ebé mak gosta bola asiste direitamente trofeu ne’e direta husi Radio Televizaun Timor Leste (RTTL).
Jornalista : Juvita dos Santos
Editor : Agapito de Deus
