Lafaek News—Hanoin hikas ba esforsu husi Pioneiru Falintil 1975 iha ezersiu portuguessa nian ne’ebé lidera husi Lider Nasionál Rogerio Tiago de Fatima Lobato la’os buat ne’ebé fasil, maibé ho aten brani hodi sakrefika no didika an tomak ikus mai bele kaer forsa no hadau kilat husi forsa portuguessa tan de’it hakarak defende ukun rasik.
Tamba ne’e, tempu ona atu estadu rai ida ne’e liu-liu Nuno Governu ne’ebé kaer ukun atu tau importansia hodi fo rekoñesementu, tamba Pioneiru Falintil 75 sira ne’e mós uluk hola parte ba luta iha rai ne’e.
“Portantu sira ne’e mak uluk hamutuk ho ha’u iha ezersiu portugues hadau kilat fo kilat, arma fretilin arma falintil, sira ne’e tona tempu para estadu ho governu ne’ebé agora dadaun kaer ukun atu fo rekoñesementu ba sira,” dehan Lider Nasionál Rogerio Tiago de Fatima Lobato ba jornalista sira hafoin partisipa seremonia selebrasaun ba Proklamasaun Independénsia 28 Novembru 2023 ne’ebé hala’o iha Palasiu Prezidensial Aitarak-Laran, tersa (28/11/2023).
Eis Ministru Interior ne’e mós relata liután katak, sekarik iha momentu seitenta sinku (75), Pioneiru sira ne’e latama iha kuadru Fretilin hodi kaer forsa no hadau kilat husi forsa portuguessa maka difisil tebes ba Timor atu manan funu no hetan diretu ba ukun rasik an ne’ebé ohin loron ema hotu goza.
Ekipa Kobertura : Lafaek News
Editor :Marcos da Silva Araujo
